من المصطلحات الجميلة، المتميزة و المتداولة بقوة في الأوساط ديانا كشباب واعي و مثقف كاين مصطلح : " مسطاشة " و لي كايتستعمل بزاف pour une raison et une autre و في مناسبات متعددة ..
و مع العلم أنني عارفة أن الأغلبية كايستعملوه، ( بلا ماندرقو الشمس بالغربال ) بغرض أنها تجرح شي بنت، تستخف بها، تنتنقص منها و من الأنوثة ديالها، أو بكل بساطة من أجل إرضاء ديك النزعة ديال إلحاق الضرر النفسي بالآخرين من أجل المتعة..
ماعليناش، تتعدد الأسباب و المصطلح واحد، عليها، و في إطار تصحيح وحدة من أشهر المغالطات "الشعبية" ، غانحاول نفسر قضية وجود الشعر في وجه الفتاة، شنو المعنى الطبي العلمي دبنت او مرا عندها الموسطاش ؟ واش هو أمر طبيعي و لا مرضي؟ واش الوجود ديالو كايعني أنها خايبة و لا ناقصة أنوثة ؟ و يلا كان مرض، واش عندو علاج ؟
اول حاجة ، نديرو الفرق بعدا ما بين Hirsutisme و Hypertrichose
و مع العلم أنني عارفة أن الأغلبية كايستعملوه، ( بلا ماندرقو الشمس بالغربال ) بغرض أنها تجرح شي بنت، تستخف بها، تنتنقص منها و من الأنوثة ديالها، أو بكل بساطة من أجل إرضاء ديك النزعة ديال إلحاق الضرر النفسي بالآخرين من أجل المتعة..
ماعليناش، تتعدد الأسباب و المصطلح واحد، عليها، و في إطار تصحيح وحدة من أشهر المغالطات "الشعبية" ، غانحاول نفسر قضية وجود الشعر في وجه الفتاة، شنو المعنى الطبي العلمي دبنت او مرا عندها الموسطاش ؟ واش هو أمر طبيعي و لا مرضي؟ واش الوجود ديالو كايعني أنها خايبة و لا ناقصة أنوثة ؟ و يلا كان مرض، واش عندو علاج ؟
اول حاجة ، نديرو الفرق بعدا ما بين Hirsutisme و Hypertrichose
- Hirsutisme
هو فاش كيكوش شعر كحل و باين عند بنت فأماكن كاتكون عادة هي عند الذكور بحال ف العنق، حول الشفاه، الصدر... كايكون عادة هنا المشكل هو مشكل هرمونات.. كيفاش هاد البلان كايوقع ؟ خاص نعرفو بلي الذكور كايعرفو إفراز واحد الهرمونات مهمة Les androgènes منهوم التيستوستيرون، هاد الهرمون هادا إلى جانب تدخله في التحكم في إنتاج الحيوانات المنوية، كايأثر في الصفات الجنسية الثانوية : تضخم الصوت، غزارة الشعر..
الإناث تاهوما كاينتجو هاد الهرمون، ويي، و لكن بنسبة قليلة بزاف في الحالات العادية، و فشي حالات مرضية، كايتزاد الإنتاج و معاه كاتزاد الكثافة والغزارة دالشعر و كايبان فشي بلايص ماخصوش ابان فيهوم.. و دائما في إطار علاش و كيفاش ! علاش كاين هاد الإنتاج الزايد د هاد الهرمونات هادو ؟ اقدر اكون راجع لوجود أكياس فالمبيض Syndrome des Ovaires Polykystiques ( أغلبية الحالات حيت هادا مرض شائع ) و يقدر اكون راجع لوجود شي ورم فالمبيضين، ولا حتى تكون كاتاخود شي دوايات فيهوم بزاف دLes androgènes.. فهاد الحالات خاصك تتبع طبي، و ترجع ضروري للأصل دالمشكل حيت اقدر اتطور و يعطي لا قدر الله مشكل ما كفس.
و شي مرات كايكونو هاد الهرمونات مقادين، ولكن الخلايا منين كايطلع الشعر هي لي كاتكون حساسة بزايد لهاد الهرمونات ( الله يسمحلها ) و نسبة عادية ديالهوم كاتهيجهوم و كاتدير المشكل.
ندوزو ل :
- Hypertrichose
هنا البلان، هو فاش كايكون شعر بزاف فاليدين، الرجلين، الوجه... مهم فبلايص عادي اكون فيهوم شعر عند البنت، و هذا عادة مشكل ماكيتطلبش تتبع مع الطبيب، حيت المشكل ماشي دالهرمونات.. بكل بساطة، هو أمر وراثي، كاين par défaut فالخلايا ديالك، يعني الخلايا ديالك مبرمجين و كاتجيهوم هاد الحالة هو أمر عادي و طبيعي ... و الحل هنا، كاتبقا Epilation Definitive بالليزر و لا بومادات كاينقصو من الكثافة ديال الشعر.. و الضرر الوحيد لي يقدر اترتب عليه هاد البلان هو مشاكل نفسية للبنت لي ماغاتفهمش أنها شي حاجة جد طبيعية عندها فالخبر الوراثي ديالها بحال لون دعينيها و لا شحال كاتلبس فرجليها و انها ماعندها تا علاقة لا بأنوثة و لا تاحاجة و ماشي مجبرة انها تحشم منها و لا تخليها تأثر عليها... حيت المشكل الحقيقي ماشي ف "الخبر الوراثي" ( كايكتاب عليك، تا واحد مالقاه كيبغاه ) المشكل فينا كاملين...فينا كمجتمع فيه بزاف د " الملاحظات" و " الانتقادات " و العلاج دهاد المرض مازال ملقاوه.
إعداد : فايزة بوخبزة
تدقيق : عبدالله الشعيبي
