العكز أو الكسل هو
واحد الحكم مستعمل من طرف الأغلبية ديال الناس، وهاد الحكم مكايمكنش لينا باش
نفهمو علاش شخص ما ماكيديرش مجهود باش يحقق رغباتو و أهدافو.و الا جينا نشوفو شنو
مخبي بصح ورا ظاهرة الكسل، فغادي نلقاو بزاف د الأسباب ومنها
- الخوف من الفشل
- الخوف من التوقعات
بالنسبة للناس لي ديما كايتوقعو الأسوأ غالبا كايكون
السبب هو الخوف من توقعات الناس الأخرين عليهم. فمثلا الا كنتي كاتوجد ل أمتحان
مهم و فكرتي فتوقعات الناس عليك *أيجيب مزيان بزاف*، هاد التوقعات العالية غالبا
ما غاتصيبك بالذعر و أتسول راسك الا
ماجبتيهاش كيفاش أتكون ردة الفعل ديالهوم، هادا من الأسباب علاش الناس كايفضلو
مايديرو والو ويبقاو ف دائرة الراحة.
- الاكتئاب
واحد من
الأسلوكيات لي كاتدل على الاكتئاب هي قلة التجشيع، التعب المستمر و غير ذلك. وبالتالي
يقدر يكوم الكسل ناتج على الاكتئاب، وهنا غادي يكون خاسك تعالج الاكتئاب ماشي
الكسل.
فهادو بعض الأسباب السيكولوجية لي كاتكون عند الناس لي
كايتسماو ب *كُسالة* ولكن فالحقيقة العكز أو الكسل ماشي حقيقة ثابتة ماكاتغيرش،
ولكن كأي ظاهرة عندها أسبابها ويمكن الحد منها رغم أنها كاتعتابر من أصعب العادات
لي يمكن تخلص منها.
ولكن هادشي ماكايعنيش بلي ماغاتقدرش تهنا من عاد العكز،
حيت يمكن ليك ب بأشياء بسيطة تهنا منو ومنها :
- الرياضة
الرياضة كاتنشط الدماغ هادي كلشي عارفها، وكاتخلي الجسم ديالك في حالة
فيويولوجية جيدة، الشيئ لي غايعونك تنود دير شي حاجة بجسم مزيان و نفسية مزيانة
فمكان ماتبقا غير متكي وخازن الطاقة لي باغا غير تخرج منك .
دير الحاجة لي كاتخليك فرحان، رسم،
كتب،شطح..أي حاجة المهم تعلم أنه مايمكنش ليك تبقا غير جالس ماكادير والو نهار
كامل.
شجع راسك، دير اليوغا، تعرف على راسك كتر، كلما تعرفتي على راسك كلما توضحات ليك
الصورة ديال أهدافك و شنو خاسك دير وشنو لا، فاش كاتولي فهاد المرحلة فراه مايمكنش
ترجع للكسل وتخلي قدامك أحلامك وأهدافك كاتسنا فيك تحققها.
وفي الأخير الا كنتي كاتسحاب
راسك معكاز، فحاول تعرف الأصل ديال الكسل وتعالج المشكل قبل ماتعاملو هو المشكل
نيت.حيتاش كلما قدرتي تفهم وتعرف شنو كايشجعك
كلما قدرتي تنوض وتحقق أهدافك.
مصدر : كتاب Super Brain ديال Deepak Chopra و Rudolph E. Tanzi
إعداد : أميمة أجوامعي
