بورما هي دولة فجنوب شرق آسيا، سميتها الرسمية هي جمهورية اتحاد ميانمار و هي دولة مستقلة منذ عام 1948، الصراع ف دولة ميانمار قديم بزاف، ماشي جديد بحيث أن الجيش ديال ميانمار بدا من ميليشيا مسلحة أسسها ثلاثة ديال الاخوة و سمّاو راسهم : ရဲဘော်သုံးကျိပ် بالانجليزية هي Thirty Comrades لي هي بالعربية الرفاق الثلاثة، هاد الاخوة هادو تطورو و حولو عصابتهم المسلحة لجيش نظامي ب دعم من اليابان ضد فلاحتلال البريطاني .. و منين بدات الحرب العالمية الثانية كانت ميانمار هي مسرح المعارك بين الجيش الياباني و البريطاني، منين سالات الحرب لصالح دور الحلفاء بريطانيا احتلت بورما عاوتاني (حيت بورما كانت مستعمرة بريطانية قبل عام 1940) و هنا بورما تقسمات ل ثلاثة ديال الفرق : فرقة ضد بريطانيا و مع اليابان، فرقة ضد اليابان و مع بريطانيا، و فرقة ضد كولشي كاتطالب بالاستقلال، بريطانيا كانت باغية ميانمار حيت منها غادي تدخل للهند، تقربلات القضية ف بورما مزيااان 3 سنين حتى خرجات بريطانيا منها عام 1948، و بقات ميانمار دولة ذات نظام فدرالي، بحال ميريكان (البلاد مقسومة لولايات كل وحدة كاتحكم راسها براسها و مربوطين بعاصمة لي فيها المركز ديال جميع السلط). كانت واحد الولاية تما سميتها راكين - Rakhine، هاد الولاية كانت فيها واحد النسبة ديال المسلمين حيت هي ولاية حدودية و كانو الناس كايجيو ليها من الشرق الاوسط بحال العراق، الشام، ايران .. الخ من أيام العصر الذهبي ديال الاسلام فالقرن 13 و 14 ميلادي. بورما عاشت ف سلام شي 25 عام قبل ماتبدا الهند تجاربها النووية و التسليح بالنووي خصوصا فظل الحرب الباردة، و الصين تا هي ولا عندها اقتصاد واعر و كدا ... ناضت هاد ولاية راكين كاتطالب بالاستقلال حيت هي آخر ولاية تم ضمها لميانمار ف عام 1785.. الولايات الاخرى ديال بورما ماعجبهمش هاد البلان هادا و بداو كايحاربو سكان هاد الولاية هادي لي سميتهم : الروهينغا Rohingya، بمعنى عندهم مشكل عرقي ماشي طائفي معا هاد الناس. خلاصة القول : ماشي المسلمين لي كاياكلو العصا بوحدهم تما بل حتى مواطنين بوذيين، هندوسيين، مسيحيين، لادينيين .. حيت كاملين كاينتاميوا لهاديك المقاطعة المنبوذة.
المصادر المعتمدة :
المصادر المعتمدة :
مصدر 1 (فالاسفل كاين 183 مصدر)
مصدر 2 (11 مصدر)
إعداد : عبدالله الشعيبي
