الوسواس القهري

 اضطراب الوسواس القهري هو اضطراب ديال القلق لي كاتكون عبارة عن أفكار وأحاسيس غير مرغوب فيها وهاد الأفكار
 والأحاسيس كاتجي للشخص المضطرب بشكل دوري، لي كاتخلي الشخص يحس بأنه مفروض عليه يدير شيئ معين بزاف ديال المرات فالنهار بتكرار. ومن هاد الأشياء مثلا غسل اليدين بزااف ديال المرات فنهار كتر من الانسان العادي أو تحقق من شي حاجة عارف راسك درتيها قبل أو التنظيف أكتر من المعتاد، بحال هادشي غالبا ماكايأثر على حياة الشخص اليومية  مع راسو ومع الناس

بزاف من هاد الناس عندهوم أفكار ثابتة و عادات مكررة، ولكن ماكاتأثرش على حياتهوم، بل كتقدر تزيد تنظمو وتسهل ليه الواجبات بحكم أنه يقدر يعاودها بزاف د المرات فنهار . بالنسبة لهاد الناس، الأفكار لي كايجيوهوم هما أفكار متكررة لي غالبا ماكايبغيوش

يفكرو فيها حيتاش ديما كاتعبر على شي حاجة لي ماباغينهاش توقع، أوعادات كالمذكورة سابقا الا ماداروهاش كيحسو بتوثر شديد

على العموم، هاد الناس غالبا ما كايكونو عارفين بلي هاد الأفكار و الأحاسيس لي كايجيوهوم ماشي بصح و المصدر ديالهوم هو اضطراب . ولكن واخا كايعرفو بلي هاد الأحاسيس و الأفكار خاطئة، ماكايقدروش ينساوها ولا يتغلبو عليها، وبالتالي كايكون

صعيب عليهوم يتحكمو فيها   وفالأخير كايطبقوها. و لي كاتمثل فدوك العادات المتكررة مثلا

فللناس لي ماعارفينش أو  شاكين واش فيهم، أو شاكين واش في شخص قريب ليهم، فهاهي بعض العلامات لي كاتدل عليها

 أفكار و تخيلات متكررة مثلا الخوف من الأوساخ، قلة التنظيم او الجراثيم-

رغبات أو تصورات جنسية غريبة و أفكار عنيفة-

عادات متكررة بشكل كبير، بحال الحساب،التنظيف و التأكد من اشياء لي تأكدتي منها-
 قبل

 عدم القدرة على التحكم في هاد الأفكار والتصورات ولي كاتأثر على حياتك اليومية-

وغير ذلك من المميزات ديال هاد الاظطراب، مع ذلك، فهي ماشي شي حاجة لي صعييب تعالج ولكنما شي حاجة لي صعيب بزاف تعيش بيها. فمثلا ماغاتقدرش تشارك الاكل مع شي واحد واخا يكون عزيز عليك، ماكاتبغي تاواحد يقيسك ولا يقيس الأغراض ديالك ، تقدر توقع شي حركة بسيطة من المقربين ديالك و تكون ردة الفعل غير عادية، هادشي كايزيد يأثر على حياتك بشكل سلبي لي كايصعب الحالة النفسية ديالك

وبالتالي فالا كنتي نتا و لا شي واحد كتعرفو عندو هاد الاظطراب، وباش تعامل معاه خاسك اولا افهم أشنو هو الوسواس القهري و كيفاش تعامل مع هاد الشخص 

أول حاجة، ماتاخدش الأشياء لي كايدير هاد الشخص بشكل شخصي، فمثلا الا قستي الأكل ديالو و مابقاش باغي ياكلو، خاسك تفهم  الوضع بحكم أن هاد الشخص غير متحكم فداكشي لي كايدير.مثال اخر، مثلا كنتي خارج مع صاحبك و سولك واش سديتي الباب وقلتي ليه راه سديتيه، ومع ذلك رجع يتأكد، فهادشي ماكايعنيش انه ماتايقش فيه، ف للي واقع بالظبط هو أن الأفكار لي عندو كايقولو بلي خاسو يسمشي يسد الباب و الا مادارهاش، غادي يحس بتوتر شديد و بمجرد انك تفهم هاد الوضع، فراك كاتكون عاونتيه بنسبة كبيرة بحيث  أنه غايحس بأنك ماكاتشوفش فيه كأنسان *مريض فعقلو* وبالتالي كاياخد راحتو معاك وهاكدا كاتكون عاونتيه نفسيا بزاف

ومن الأشياء البسيطة لي تقدر دير باش  تخفف من الظطراب أو تنسح شي واحد بيهم هي

حاول تكتب داكشي كامل لي كاتفكر فيه و لي كايقلقك فكل لحظة واخا تكون كاتعاود- 
نفس الأفكار، حيتاش ف الأخير أتعرف فاياش كاتفكر و شنو خاسك دير

حدد وقت للاسترخاء، تقدر دير مثلا اليوغا، بحال هاكدا كاتعاون تصفي الأفكار ديالك-
الشيئ لي ايعاونك تحكم ف الأفكار ديالك

دير الرياضة بشكل منظم، العقل السليم في الجسم السليم-

نعس مزيان-

بقا قريب من العائلة والأصدقاء، وحاولل ديما تبقا قريب، بحكم أن هاد الاظطراب-
ايدفعك تكون بوحدك الشيئ لي ماغايعاونك فتا حاجة

وأخيرا لأي واحد في هاد الاظطراب ولا عارف شي واحد فيه، ماخاسوش يخبيه، بحيث 
هادي شي حاجة عادية و لكن خاسها تعالج فأقرب وقت ممكن

المصدر 1

المصدر 2

المصدر 3