بزاف منا و
منهوم انا مبلين بles
séries و
متبعينهوم، و من السيريات الميريكانية لي معروفين، و متبعينهوم بزاف دالناس حول
العالم، كاين
Grey's Anatomy،
و هاد السيري بالنسبة لميكعرفهاش فشكل، علاش ؟ حيت جامعة ما بين الطب و بزاف ديال
الدراما، مزيج شيق و متميز، هاد السيري بدات ف2005 و عرفات 18.8 مليون مشاهد، دبا
فيها 13 الموسم و 14 كايتصور حاليا و كاع ليفان (و انا منهوم) كايتسناوه بفارغ
الصبر. دبا علاش
GA عارفة هاد
النجاح ؟
اولا، حيت القصة
زوينة، كاتهدر على واحد المستشفى جامعي و على الأطباء لي خدامين فيه، بحيث كاتكون
البطلة Meredith Grey بنت واحد الجراحة مشهورة، و يلاه
كاتبدا التدريبات الاستشفائية ف الجراحة، فيما يعرف عندهوم ب l'internat، هاد المجال صعيب و المنافسة فيه كبيرة و
كاتحاول ميريديت على طول السيري تثبث راسها و تولي جراحة كبيرة..
ثانيا، حيت
الحالات الطبية المتناولة فهاد السيري حقيقية، و كاتخليك تعرف بزاف دالأشياء الا
كنتي بعيد على الضومين و تزيد تفهم الا كنتي فيه، منغير ان فيها تركيز كبير على
البحث العلمي فالطب و الجراحة..
و ثالثا، القصة
ماكاتخلوش من التشويق بحيث انها ماكاطلعلكش فالراس، فالحياة الشخصية و العاطفية د
الأطباء ديالنا ماكاتقنطش كاااع و حتى من الأحداث لي كايوقعو ( طيارة كاطيح بيهوم، مجرم كايتيري بالقرطاس فالسبيطار، قنبولة فالجسد دشي مريض...)
و لي خصكوم تعرفوه
هو ان السمية دالسيري بالﻹضافة إلى انها السمية دالبطلة، فراها مستوحاة من الكتاب
دلاناتومي
Gray's anatomy لي
كايتعتبر من اهم المراجع فهاد المجال...
و كيفما
قلتلكوم، الموسم 14 راه كايتصور، واخا انه اغلب الشخصيات لي كانو فلول مابقاوش، و
على حساب ما قالت المخرجة دالسيري Shonda Rhimes فراه ماحد Meredith كاينة و السيري خدامة، اذ لا GA بدون ميريديت، و لا ميريديت دون GA
