علميا الجسم ديال الانسان (المرأة و الرجل ) فيه جوج ديال الهرمونات التيستوستيرون و الاوستروجين و تتفاوت النسبة ديالهم حسب الجنس ، بحيث المرأة كتون عندها نسبة كبيرة ديال هرمون الاوستروجين لي هو هرمون الأنوثة و نسبة قليييييلة ديال التيستوستيرون لي هو الهرمون المسؤول عن الذكورة و العكس صحيح عند الرجل .
- اجي دابا نشوفو شنو علاقة هاد الهرمونات بالسلوك ديال كل من المرأة و الرجل ملي كيكونو في علاقة حب .
مايمكنش تكون دوزتي علاقة حب مع شي بنت الا و كتوصل واحد الفترة كتولي كتبان ليك "نگارة" و كتزيد فيه ، غنقول ليك أن هادشي ماشي لخاطرها لأن المرأة ملي كتوقع في الحب كتزاد عندها نسبة التيستوستيرون و لي هو كذلك هرمون مسؤول عن السلوك العدائي (يعني ايلا كانت كتعاملك بواحد شوية ديال العدائية و كتسولك على الشادة و الفادة را كتبغيك )، و هاد الهرمون من غير أنه مسؤول عن السلوك العدائي فهو كذلك مسؤول عن الرغبة الجنسية بحيث مع ازدياده كتزاد الرغبة الجنسية للامرأة تجاه الشخص لي كتبغيه.
أما الرجل فالعكس تماما ، مع وقوعه في الحب كتنقص عندو نسبة التيستوستيرون و كيولي هاااادئ و غير كيقول واخا (ماشي يقتلك عصى و تقولي را كيبغيني يضربني و مايخلي لي يضربني لااااا ) و الرغبة الجنسية ديالو تجاه لي كيبغيها حاضرة ولكن ماشي بقوة .
