حنا كاملين كانعرفو بلي نتا، للي كاتشوف راسك خايب، المظهر ديالك كايشكل ليك واحد العقدة للي غالبا ما كاتطور لنقطة ضعف و للي كاتولي من بعد مصدر ديال الالم و المعانات. كاتمشي كاتوقف قدام المرايا و كاتبدا تعاود ديك المقولة الشهيرة: علاش، انا بالضبط، تزاديت هاكا؟؟
بالنسبة ليك نتا، فينما كاتصور شي سيلفي كاتمرض و كاتزيد تعقد من المظهر ديالك، علاش؟ لانك كاتعيش فواحد العالم للي واخا تلاقا فيه مع شي واحد ماكاتعرفوش، كاتعامل معاه مزيان اذا كان "بوغوس"، و العكس صحيح.
داكشي علاش ديما كاتحط قدام عينيك واحد انت مثالي و زوين للي ماكرهتيش تكونو بطريقة او باخرى... المهم، اذا افترضنا انك ماغاتقدرش دير عملية ديال التجميل، خاصك دير ف بالك هاد الخطوات للي "يقدرو يعاونوك" على تجاوز هاد الخوف للي عندك من المظهر.
أولا: المسألة ماشي شخصية.
انا عارفك بلي كاتقول في الباطن ديالك بلي راك مستهدف و بلي هاد القبح في المظهر جا قاصدك نتا نيشان. داكشي علاش بغيتك تعرف بلي هاد المشكل للي فيك، راه هو المشكل الاقل انصاف و الاكثر عشوائية في العالم، مسألة حظ و صافي. حيت ملي كاتفضل واحد الشخص زوين عليك نتا، راه بحالا كاتفضل نهار مشمس على نهار ممطر: تاواحد ماكانت عندو القدرة باش يختار كيفاش يكون.
ثانيا: خلي الصدمة ديالك في المظهر ديالك تغدي الحب ديالك للجمال.
كيفاش؟ ساهلة. خاصك تعرف بلي الاعجاب هو الثمرة ديال النقص، يعني من الآخر خاصك تعرف بلي اقبح الناس هم الآشخاص للي كايقدرو يعطيو احسن حكم للجمال. هادي عندك و ماعندش هاداك للي بغيتي تولي بحالو!
ثالثا: فهم الاشياء بالحساب.
كاتعقل على راسك ملي كنتي كاتشوف راسك مابيكش، و دابا ولا كايبان ليك راسك خايب؟ لانك شحال هادي كنتي كاتقارن راسك غير مع ولاد دربكم ولا غير مع العائلة (مجموعة صغيرة)، دابا ملي كبرتي، خرجتي للعالم و المحيط ديالك زاد كبر و دخلو ليه ناس جداد للي طلعو النيڤو شوية، و بالتالي ولا كايبان ليك راسك خايب.
مثال: اذا عطيتك هاد الصورة و قلت ليك واش هاد الدرية زوينة؟
"غادي تقول ليا بالطبع زوينة بلا ماتفكر. و لكن اذا اعطيتها ليك مع هاد الصور و قلت ليك واش زوينة؟"
بالطبع غادي يصعاب عليك الاختيار.رابعا: كون صبار.
شوف، شتي كيفما كانت التفريقة ديال الجمال غير عادلة بالنسبة ليك، خاصك تعرف بلي تاواحد ماكايبقا في الاخير فرحان بالمظهر ديالو واخا يكون هاد الشخص كايبين ليك بلي راه زوين راه هو براسو ماراضيش. و حاجة اخرى، ماتسحابش راسك راك عارف كل واحد شنو كايظن على المظهر ديالك يقدر يكون شي واحد نتا كاتعجبو واخا نتا كايبان ليك راسك بلي راك خايب.
كمثال: كاين للي اذا لاحظ عندك فورمة مزيانة، مايتسوقش بتاتا لداك الحبوب للي معمر ليك وجهك، و العكس صحيح.
اذا كنتي نتا "خايب"، راه غاتكون دون شك ورثتي المظهر ديالك من الوالدين ديالك. و لكن للي مارديتيشليه البال في هادشي كامل هو انه واليديك واخا حتى هما مازوينينش راهم عرفو كيفاش يدوزو ليك الحب و الحنان... حاول تكون بحالهم ملي تكبر. و هادشي علاش كاين واحد الاحصاء كايقول بلي الناس للي حنونين و كايبغيو الخير هم الناس قبيحي المظهر.
في بلاصت ما تبقا تقول ديما ديك الجملة ديال "المظهر لا يهم"، حاول تولي احسن في ملاحظة التفاصيل الدقيقة في وجوه الناس، و تحاول تقراهم من التعابير ديال وجههم باش تمكن من انك تفهمهم اكثر من ما كايحاولو يفهمو راسهم... حيت كفما قلت ليك، ماكاينش للي كايفهم في الحاجة اكثر من داك الشخص للي ماكايتمتعش بيها، و تقدر تولي هادي نقطة قوة عندك بحيث انك بها غادي تقدر تهرب على بنادم و غادي يولي هاد بنادم براسو غايحاول يدير بحالك باش يوصل ليك.
