كيفاش التوتر كايأثر على الجسم ديالك؟

كلنا كانحسو بالتوتر شي وقت، اولا أغلب الأوقات؟ نقدرو نتوتر حينت باغين العطلة، او حينت ماعارفين مانطيبو، اولا اينا هدية نشريو، اولا حتى التعامل مع الناس لي قراب ليك. الأغلبية  فينا عارفا بلي من الأعراض ديال التوتر صداع الرأس، عدم النوم، انفعالات او تهيج سريع، أولا تقلصات عظلية. ولكن كاين كتاار من هادشي لي كاتكون تأثيرات خارجية. 

فمثلا كيف ما بان فدراسات عام 2012 فواش عارفين بلي علميا كاين رابط بين التوتر و حب الشباب؟ التوتر كايخلق التهابات عادة، لي يقدر يدير فيك تقابي صغار( ماكايكونوش مؤديين) كايرجعو حمرين او كاتزيد كمية القيح، و هاكدا كايتكونو حبوب. هاد الالتهابات تقدر ترجعك أيضا سريع التأثر بالزكام مثلا أو بأمراض أخرى

 

التوتر المستمر كايقدر يسبب شي فساد فدماغك. الكورتيسول لي كايتسما "هرمون التوتر" يقدر يسبب فضعف القدرة على تذكر الذكريات قصيرة المدى. ف في دراسة سنة 1998 في مجلة* لقات بلي من بعد ما عرضو واحد الجرانة لصعقة كاهربائية، نسات على كيفاش تعبر المتاهة. أو دراسة أخرى بلي الناس لي كايمرو من بزاف ديال الحوايج خايبين بطريقة متتالية كاتكون عندهم المادة الرمادية بكمية أقل من غيرهم في القشرة الجبهية أي القدام ديال دماغك ، فهي مسؤولة على التحكم في الذات، المشاعر و غيرذلك.

زيد على هادشي، كلشي هرمونات التوتر لي كايكون الجسم ديالك كايكون على حساب كلشي الهرمونات الجنسية المهمة، بحال التستوسترون، استروجين، و حتى الهرمونات المسؤولة على انتاج الحيوانات المنوية والتبويض.

:نقدرو نلخصو التأثيرات ديال التوتر على الجسم ديالك في

ضغط طويل  الرأس، العنق، والكتاف يقدر يسبب صداع الرأس والشقيقة.

الجهاز العصبي الودي (مسؤول على سرعة دقات القلب، رفع ضغط الدم..) كايزيد كمية الأدرينالين و الكورتيزول لي بجوجهوم مسؤولين على التوتر.

:هادشي كايقدر يسبب في

تزايد سرعة دقات القلب

مشاكل في الهضم

صعوبة ف التنفس و التنفس السريع يقدر يسبب فنوبات الذعر

فالوقت ديال التوتر بزاف، كايبدا يطيح شعر الرأس

أما بالنسبة للتوتر لي كايكون لمدة طويلة كايخلي تأثيرات أخطر فحال

الأرق

ارتفاع ضغط الدم

احتمال أكبر يوقعو نوبات و سكتات قلبية

هادشي علاش خاصنا ضروري نلقاو كيفاش نتعاملو معا التوتر بحكم أن فحياتنا اليومية ديما غانلقاو أشياء موترة ومن أبسط الطرق لي تقدر تكون فعالة هي مثلا تسمع للموسيقى الهادئة و كول ماكلة صحية و ضحك، الضحك كايكون الأندورفين، هاد الأخير لي كايحسن المزاج اوكايخفض مستوى التوتر و تفادي شرب القهوة بحكم فيها بزاف ديال الكافيين لي غير كايزيد من نسبة التوتر

   

الرياضة حتا هي من أحسن الطرق، ماشي ظروري تدير بزاف، تقدر مثلا  تمشا لمدة 10 دقايق او تجبد فالوقت لي كايكون فارغ هاد الحركات كايخليو الدم ديالك يتحرك   وبالتالي كايتفرز الأندورفين بالاضافة الى أن المزاج ديالك غايتحسن وماتنساش تعرف كتر وكتر على التوتر والحلول ديالو باش تقدر تعامل معاه

Nature*