بانت الليبيرالية في أواخر القرن 18م مع الثورة الفرنسية و الحرب الأهلية في الولايات المتحدة الأمريكية، ثم سيطرت في القرن 19م بسبب التصنيع اللي كان في الغرب و من بعد هادشي انتج على الليبيرالية ما يسمى بالرأسمالية، و هي نظام اقتصادي متحرر من قيود الدولة و كايسمح بالمشاريع الخاصة، و كايشجع على الملكية الخاصة و حرية الاستثمار و الربح.
 |
| الماركانتينية : شكل من أشكال الرأسمالية |
الليبرالية هي مجموعة ديال الأفكار كاتهتم بقضية مركزية اللي هي إقامة مجتمع فيه أفراد قادرين على تحقيق مصالحهم، و كاتأمن بأن الانسان مميز على باقي الكائنات الحية بالعقل، و أن كل فرد خاصو يتمتع بأقصى درجات الحرية و ايمانه بأن نفس الحرية خاصها تكون عند الأفراد الأخرين اللي كايكونوا معاه المجتمع، و لكن واخا هاد الأفراد عندهم حقوق متساوية فالمكافأة ديالهم كاتتم حسب استعدادهم للعمل، و هادي هي الفكرة المحورية اللي كاتتخالف معاها الاشتراكية.
 |
| كارل ماركس: واضع أسس الأفكار الاشتراكية |
في نظر النموذج الليبيرالي، الدستور هو العنصر الأساسي اللي غادي يحمي المواطنين من الاستبداد و الطغيان، و هنا كاين اختلاف ما بين الليبيرالية الكلاسيكية اللي بانت مع أدم سميث، و الليبيرالية الحديثة اللي نشأت مع الرئيس الأمريكي دونالد ريغان (ماشي ترامب) و رئيسة الوزراء البريطانية مارغاريت تاتشر، (كاين اختلاف) لأن الأولى أي الكلاسيكية كاتعتبر الدور ديال الدولة محدود في حفظ الأمن و النظام فقط، بينما الثانية كاتقول أن الدولة خاص تعاون المواطنين.
 |
| أدم سميث |
انتشرت الليبيرالية في العالم كامل، و مع مقاومة الدول النامية لهاد النظام بسبب اهتمامها بالجماعة أولا ثم الفرد ثانيا ظهرت الاشتراكية لكنها خسرت الحرب الثقافية و الايديولوجية ضد الليبيرالية مع نهاية الحرب الباردة بين الو.م.أ و الاتحاد السوفياتي، و تفكك هاد الأخير، و بداية التحول الديموقراطي في دول أسيا و أفريقيا و أمريكا اللاتينية.
 |
| جدار برلين : دلالة على الحرب الباردة |
