بزاف ديال الناس كيعانيو من النسيان، بحال مثلا كينساو فين حطوا المفاتيح و لاعلاش دخلوا لشي بلاصة .. و يقدر يكون هاد النسيان حاجة عادية خصوصا إذا كنتي زربان، و لا مشغول، و لكن يقدر هاد النسيان العادي يتحول للزهايمر
عقود من الأبحاث بينات أن تكون بروتينات سامة في الدماغ اسمها بيطا اميلويد اند تاو ، كتأدي للزهايمر و لكن للي مازال معارفينوش مزيان هو كيفاش كيتكون هاد البروتين، أبحااث جديدة كتشرح أنه كاين أسباب وراثية و أخرى ناتجة على العادات السيئة (لي حتى هما أسباب مهمة
و ها هما أهم الأسباب الغير الاعتيادية و المفاجئة للي لقاوها العلماء
كتاخد أدوية مضادة للقلق
فئة من الأدوية سميتها بينزوديازيبين ، من ضمنها عقاقير معروفة،كتستعمل لعلاج القلق و الأرق، الفعالية و السلامة ديال هاد الأدوية مكاتعداش الإستعمال ديالهم على المدى القصير 3 أشهر تقريبا ،و لكن بزاف ديال الناس كياخدوهم لمدة طويلة . المهم اذا كنتي كتعاني من القلق و لا الأرق و مضطر تاخد الادوية موسميا، مكاينش تهديد و لكن إذا كان عندك هاد المشكل دائم فتقدر تلجأ لعلاج سلوكي للي حتى هو أثبت نجاعته
ضربتي راسك بزاف
تقدر تكون كتضرب الكرة بالراس و لا طحتي على راسك و لا شي حد كيضربك على راسك بزاف و كيبقى الالم شوية و يمشي و لكن شنو رأيك إذا عرفتي ان هاد الاصابات يقدروا يأديو لمرض الزهايمر
بزاف ديال الناس كيتعافاو من ضربة الراس بلا مشاكل و لكن عند آخرين ديك الإلتهاب للي كيعاون الدماغ يتعافى كيرجع مزمن و هنا كنلقاو الرابط بينها و بين الزهايمر
خلايا ف الدماغ اسمها الميكروغليا، كتلعب دور مهم في الإلتهاب و ملي كتكون هاد الميكروغليا خدامة ف شي إلتهاب كيقل احتمال إزالة "اميلويد بيطا"، البروتين السام المسؤول على الزهايمر
إذا مكانتش "ميكروغليا" باش تحيد هاد البروتينات الغير مشبعة (بروتين تاو السام)، كيقدروا يتراكموا في الدماغ و تقتل الخلايا العصبية، مزال معارفينش علاش الالتهاب في الدماغ كيبقى عند بعض الناس لمدة طويلة، و شحال من مرة مرض الزهايمر يحتمل يكون مرتبط بإصابات الدماغ
كتحرم على راسك النعاس
شحال من مرة ضحيتي بساعات نومك مقابل الدراسة، اللعب، الدردشة، القراءة و لا باش تكمل مسلسل . ولكن حتى هاد قلة النعاس كتسرع تطور الزهايمر
الناس المصابين بالزهايمر عادة كيكون عندهم مشكل ديال النعاس، و مزال مواضحش واش قلة النعاس سبب و لا نتيجة
و لكن في تجربة عملوها على الفئران للي سمحولهم ينعسوا غير 4 سوايع، كيتتزاد عندهم كمية بروتين " تاو "، و كتغير قدرات دماغهم على التعلم و الذاكرة، و حتى الخلايا العصبية في دماغهم مبقاوش كيتواصلو مزيان و هادشي كيأدي لتعب الدماغ و الجسم . الإنسان خاصو ينعس الوقت الكافي باش يعطي فرصة لدماغو باش يتخلص من بروت "تاو" السام
كتبقى بوحدك بزااف
معروف انه البقاء محاط بالأصدقاء و الناس جزء من الحياة الجيدة و كيتعتبر دواء جيد أيضا، و الشعور بالوحدة عند كبار السن كيزيد احتمال الخرف عندهم، و لهذا خاصهم يبقاو على اتصال مع الآخرين . " متحرمش شي حد كبير كتعرفوا من دردشة قصيرة و بعض الاهتمام
عندك مرض السكري في الدماغ
سوزان دي لا مونتي من جامعة براون، كتقول أن الزهايمر مرض أيضي، يؤثر على الدماغ لدرجة انها قالت أنه سكري نوع 3
و كتقول لا مونتي أن الدماغ كيستعمل الغليكوز كوقود و الانسولين كاتعاون الخلايا باش يستهلكوه. و يمكن يكونوا الخلايا الدماغية بداو كيقاومو الأنسولين، بحال أي خلية أخرى في الجسم
و هادشي كيأدي لخلق بيئة سامة في الدماغ، الشيء للي كتسبب موت الخلايا العصبية، و حتى تكون داك البروتين السام ( نفس أسباب الزهايمر )
و من غير العادات الصحية الجيدة مثل الرياضة و الاكل الصحي استنشاق الانسولين كيقلل اعراض خرف الزهايمر.
إعداد : أميمة بن يطو
