برنامج ديال غوغل كايكتب قصائد شعرية أحسن من شعراء عالميين
شركات
عالمية بحال غوغل و فايسبوك ابتكروا برامج مبنية على التعلم الآلي (machine learning)، ألفا
غو مثلا هو برنامج ديال غوغل قدر يربح بطل العالم في لعبة غو، هاد اللعبة أصعب
بزاف من الشطرنج، و هدا كايبين أن شي نهار بالطبع غادي تفوقنا الآلة في الذكاء و
ربما نوليو عبيد ديالها و يمكن شي نهار تولي حدائق ديال البشر كايجيو يزوروها
الآلات كيفما كانديرو حاليا للحيوانات.
بطل العالم في لعبة غو من بعد الخسارة
عالم
الأعصاب و الفيلسوف سام هاريس أعرب على القلق ديالو في وحدة من المحاضرات ديالو في
تيد (Ted Talks)، و قال أنه غايكون من المحتم علينا -
إذا ماوقفناش من التطور ديال مجال التعلم العميق - أن يصبح مفروض علينا أننا
نتعايشو مع آلهة تحكمنا. و قال أيضا أنه يمكن يرفقو بينا كيفما حنا كانرفقو
بالكائنات الحية الأقل منا فكريا و لكن ماغايكترثوش بينا و غادي يسحقونا ايلا حسو
أننا كانشكلو خطر. و رجل الأعمال و الملياردير إيلون
ماسك اللي كايملك شركة ديال السيارات الكهربائية ذاتية القيادة سميتها تيسلا كايأكد على ضرورة
السيطرة على هاد النوع ديال التكنولوجيا و نسخروها لخدمة البشرية ماشي لتدميرها.
الفيلسوف سام هاريس
على
الجانب الآخر، بيل غيتس و مارك زاكربرك كايقولو أنه ماكاينش حتا خطر لدرجة
أن مارك
صاوب واحد السيسطيم شامل للدار ديالو سميتو جارفيس كايعاونو فالمهام
اليومية من
التصبين حتال أنه يطلق ليه الموسيقى و هو كايفطر. أما بيل غيتس قال في بزاف ديال اللقاءات و الحوارات معاه أن الناس اللي خايفين من هادشي غير كايبالغو في القلق ديالهم.
المهن غادي تولي أوطوماتيكية مستقبلا و ماغايبقاش للبشر دور باستثناء
شي مهن قليلة اللي صعيب تتعوض بحال الطب مثلا و بالتالي غاتزيد
نسبة البطالة و غاتوقع أزمات عالمية و مجاعات و غاتغيب العدالة الاجتماعية.
يمكن
يبان هادشي قريب للخيال و كايوقع غير في الأفلام و لكن الذكاء الاصطناعي يقد
يدمرنا في المستقبل أو
يعاوننا باش ندمروا بعضياتنا بالحروب ،
والحل الوحيد هو نتحكمو فالتقدم ولا يمكن ننقرضو.
