أخيرا رجعنا للمقالات ديالنا، لي ديجا متبعين داكشي لي كانكتب، غايعرفو أن التخصص ديالي هو هاد النوع د المقالات لي كايكونو منوضين الضجيج ف دماغ د بنادم، ايوا اليوم جيت نهضر على الارض المسطحة 😂
حنا كيفما عارفين كاملين عايشين فواحد الكوكب من كواكب المجموعة الشمسية لي من المفترض أنها تكون عندها شكل كروي "Sphérique" و لكن كاين مجموعة ديال الناس لي كاتبني على أسس دينية، أو "علمية" شي مرات أن كوكب الارض .. ماشي كوكب و إنما أرض مسطحة .. فهاد الموضوع غانهضرو على نظرية الأرض المسطحة، شنو الحجج ديالها ؟ و شنو الدلائل لي كاتدحض هاد النظرية. بدينا على بركة الله.
شكون هوما : مجتمع الأرض المسطحة ؟
مجتمع الأرض المسطحة أو "Flat earth society" هوما مجموعة ديال الناس لي كايشوفو بلي الارض مسطحة، و حنا كانعيشو على السطح ديالها، هاد الناس كاينكرو الصحة ديال الصور و الدلائل العلمية لي كاتثبت كروية الأرض، و كايكرهو شي حاجة سميتها "وكالة الفضاء الأمريكية NASA" و المؤسسات الحكومية و الغير الحكومية لي مهتمة بميدان الفضاء. مجتمع الأرض المسطحة كايآمن أن القطبين "الشمالي و الجنوبي" هوما مجرد كذبة و كايعتابرو أن الأرض عندها حيط "بحال هاداك لي كاين ف "هجوم العمالقة - Shingeki no Kyojin" و هاد الحيط مصايب بالجليد و كاتحميه ناسا بحيث ماكاتخليش الناس يقربو ليه باش الحقيقة ديال الأرض المسطحة ماتفضحش.
بالنسبة للمؤمنين بنظرية الارض المسطحة، الشمس و القمر هي كواكب كروية الشكل بعيدة على سطح الارض ب 37 كيلومتر فقط (غاتلقاو المصادر د هادشي لي كانقول فآخر المقال). و كايفسرو أن الشمس و القمر ماكايغربوش تحت الأرض المسطحة، و إنما كايبقاو يدورو بشكل متناوب الشيء لي كايخلي النهار يكون فبعض أجزاء الأرض، و الظلام فالأجزاء الأخرى.
أما بالنسبة للخسوف و الكسوف ف هوما كايوقعو بسبب عوامل مجهولة بالنسبة ليهم، كما أن الجاذبية مجرد وهم، وسبب انجذاب الاشياء للأرض هو تسارع الارض بسرعة 9.8 م/س^2 نتيجة واحد الطاقة سميتها الطاقة السوداء 😈
خدمة تحديد المواقع العالمية GPS هي مجرد خدعة حكومية، و الارض كاتبان دائرية من الطائرة بسبب التلاعب فالنوافذ ديال الطائرة حتى هي من الافكار ديال مجتمع الارض المسطحة.
الدلائل العلمية ل تفسير كون الارض مسطحة هي أدلة غير علمية بتاتا، بحيث أنهم كايتساءلو علاش الانهار كايتدفقو فجميع الاتجاهات ايلا كانت الارض كاتدور، و علاش السكة الحديدية ماكاتكونش مصممة بأخد عين الاعتبار ان الارض مسطحة، و علاش الطيارات ماكايخرجوش للفضاء الخارجي منين كايطيرو ؟
و البعض الآخر كايعطي تفسيرات دينية و كايبررها بآيات قرآنية أو بعض الاجزاء من الانجيل بحال :
أعوذ بالله من الشيطان الرجيم :
أما بالنسبة للخسوف و الكسوف ف هوما كايوقعو بسبب عوامل مجهولة بالنسبة ليهم، كما أن الجاذبية مجرد وهم، وسبب انجذاب الاشياء للأرض هو تسارع الارض بسرعة 9.8 م/س^2 نتيجة واحد الطاقة سميتها الطاقة السوداء 😈
خدمة تحديد المواقع العالمية GPS هي مجرد خدعة حكومية، و الارض كاتبان دائرية من الطائرة بسبب التلاعب فالنوافذ ديال الطائرة حتى هي من الافكار ديال مجتمع الارض المسطحة.
) |
| from : shutterstock |
الدلائل العلمية ل تفسير كون الارض مسطحة هي أدلة غير علمية بتاتا، بحيث أنهم كايتساءلو علاش الانهار كايتدفقو فجميع الاتجاهات ايلا كانت الارض كاتدور، و علاش السكة الحديدية ماكاتكونش مصممة بأخد عين الاعتبار ان الارض مسطحة، و علاش الطيارات ماكايخرجوش للفضاء الخارجي منين كايطيرو ؟
و البعض الآخر كايعطي تفسيرات دينية و كايبررها بآيات قرآنية أو بعض الاجزاء من الانجيل بحال :
أعوذ بالله من الشيطان الرجيم :
( وَالْأَرْضَ مَدَدْنَاهَا وَأَلْقَيْنَا فِيهَا رَوَاسِيَ وَأَنبَتْنَا فِيهَا مِن كُلِّ زَوْجٍ بَهِيجٍ )
[ ق : 7 ]
على أي، أكبر خطأ ممكن يوقع هو تفسر شي حاجة علمية، ب شي حاجة لي هي دينية، حنا هنا غانحاولو نحطو جميع الافتراضات و نخليوكم نتوما تحكمو.
علاش الأرض كروية ؟
العلماء متافقين على أن الارض كروية و كايرجع هادشي لدلائل علمية محضة، حنا عارفين أن العلم ماشي محصور ف يد فئة معينة من الناس، إنما هو مفتوح للجميع، بمعنى ماكاينش شخص واحد لي غايجي و يقول لينا "الارض كروية" بل هي سلسلة ديال الاسهامات العلمية لي وصلاتنا لنتيجة أن الارض كروية، بحيث أن هاد الاسهامات بدات ف عهد أرسطو و فيتاغورس لي لاحظو اختفاء السفن فالأفق، و تغير مواقع النجوم منين كاتسافر، و الشكل ديال القمر، و لكن لي ساهم أكثر فهاد الاكتشاف العظيم هو الفيلسوف الاغريقي : إيراثوستين.
كان إيراثوستين خدام ف مكتبة فالاسكندرية و كان قرا ف واحد الكتاب على أن الشمس فأسوان كاين قضبان عموية ماكايبقاش عندها ظل ف منتصف النهار، ايراثوستين بغا يجرب نفس الشيء ف الاسكندرية و مالقاش نفس النتيجة، بحيث أن ف 12 د النهار هادوك الاعمدة لي غرزهم ف الارض كان ظلهم قصير، باعتبار أن الاشعة د الشمس هي عمودية مع الارض و متوازية مع بعضها البعض، هادشي غايكون دليل على أن الارض كروية، و ايراثوستين قال أنه من الممكن نحسبو المحيط ديال الارض غير باستغلال المعطيات ديال زاوية اسقاط الضوء، طول الظل ديال القضبان و المسافة بين أسوان و الاسكندرية (800 كم)، منين حدد ايراثوستين زاوية الميلان د الارض فالاسكندرية لقاها مائلة ب 7 درجات على الارض ف اسوان، أي إذا رسمنا خط مستقيم من الإسكندرية لمركز الأرض وآخر من أسوان لمركز الأرض، الزاوية بين الخطين غاتكون هي 7 درجات. حنا عارفين أن محيط الارض هو زاوية مقدارها 360° و بالتالي 7 درجات كاتمثل 1/50 من محيط الارض، و المسافة بين أسوان و الاسكندرية هي 800 كم و بالتالي المحيط د الارض هو 40000 كم حسب ايراثوستين، و الحسابات ديالو كانت دقيقة بالنسبة لواحد عاش ف 200 عام قبل الميلاد بحيث ان المحيط الفعلي د الارض هو 40075 كم عند خط الاستواء. و هاد القاعدة لي طبقها هو صالحة فقط للأجسام الكروية و لي قاري شويا ديال الMécanique du Point Matériel بالنسبة ل Les référentiels sphérique غايلقا شي حاجة هاكا.
غانهضر دابا بالرياضيات، الهندسة بالخصوص، ايلا انطلقت من الرباط و مشيت للشرق مسافة 5000 كم بزاوية 90 درجة، من بعد درت بزاوية 90 درجة للفوق و مشيت 5000 كم تاني، و من بعد عاود درت 90 درجة لليمين ومشيت 5000 كم : غانلقا راسي ف الرباط تاني. دونك المسار ديالي رسم مثلث فيه 3 د الزوايا فيهم 90 درجة، ايلا سولتو شي واحد عندو مع الماط غايبرهن ليكم على هاد الخاصية لي ممكنة فقط فمستوى كروي.
و باش نختم، نقول ل هادوك لي كايبرهنو على مواقفهم بالقرآن، تذكرو هاد الآية :
أعوذ بالله من الشيطان الرجيم :
( فَلآ أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ )
[ المعارج : 40 ]
ف هاد الاية، كاين "مشارق" و "مغارب" و حنا عارفين أن الارض ديما فيها حالة شروق الشمس و غروبها على حسب المناطق، و بالتالي هنا كاين دليل على كروية الارض فالقرآن.
الهدف هنا ماشي نقول ليكم أن القرآن فيه دليل كروية الارض ولا كونها مسطحة و لكن المبتغى هنا هو نبين ليكم أنه مايمكنش تفسر العلم ب الدين، لأن النصوص الدينية كاتقبل التأويل.
من إعداد : عبدالله الشعيبي - مؤسس هل تعلم ؟ نسخة بالدارجة
المصادر :
