من إعداد صبرا موحي
شحال من معلومة
تعلمناها و تعرفنا عليها بطرق مباشرة أو غير مباشرة، يا فالمدرسة يا فالبرامج و
الأفلام. ولكن مع تطور الوقت العلماء ستعملو طرق جديدة ولقاو بلي بعض من دوك
المعلومات و الحقائق كانت خاطئة، هنا غنعرفوكوم على 10 من هاد المغالطات:
المسكة كاتاخذ 7 سنوات باش تهضم:
أتكون سمعتي
فصغرك بلي إلا سرطتي المسكة را غاتبقا لاسقا و ماغادي تهضم تادوز 7 سنوات أو أكثر،
ولكن لعكس تماما، العلكة كادوز من الجهاز الهضمي ديالك بحال أي حاجة كليتها داك
النهار.
جبل إفرست هو
أطول جبل في العالم:
يه إفرست ضخم وداكشي، ولكن واش هو أطول جبل في
العالم؟ لا. جبل كيكون طويل آعتبارا للإرتفاع ديالو فوق مستوى سطح البحر.ولكن إلا
حسبنا الطول بمعايير مختلفة فإن جبل Mauna Kea هو أطول جبل من القاع إلى القمة و لكن جاي تحت من مستوى البحر، داكشي لاش ماكايبانش لينا كبير. العلو ديال هاد الجبل من القاع حتال للقمة هو 10 كيلومتر و 200 متر !! أطول من إفرست ب 5 كيلومتر تقريبا.
تقدر تشوف سور
الصين العظيم من الفضاء:
مايمكنش يتشاف
سور الصين العظيم من القمر، أو حتى من المحطة الدولية من غير إلا كانت عندك قدرات
آستثنائية، و أحوال الطقس زوينة وواضحة، و لكن نقدرو نشوفو التلوث ديال الصين من القمر.
الدودة إلى
تقسمات على جوج، غادي تكبر وتولي جوج دودات:
مايمكنش يتكونو
جوج دودات بعد الإنقسام ديال وحدة, فقط الجهة الأمامية (لي فيها الفم) لي يمكنليها
تاكل و تكمل حياتها.
عندنا خمس حواس:
في الحقيقة
عندنا كثر من 5 حواس، حسب العلماء عندنا تقريبا 20 حاسة مختلفة ،و من بينها مثلا
الإحساس الحراري، (thermoception) و التوازن.(equilibrioception)
خصك تشرب 8
كيسان دالماء فالنهار:
هاد القضية هادي معممة بشكل مفرط، شحال دالماء خصك
تشرب فالنهار كيعتمد على بزاف دالحاجات، بحال الحرارة دالبيئة ديالك، مستوى نشاطك،
الوزن ديالك، و زيد ووزيد.
