فينما كانشوفو ساحر في فلم أو مسرح، ضروري يكون هاز العصا و خصوصا يقول الكلمة
السحرية باش يحقق الهدف ديالو فالعرض، لي هي .Abracadabraولكن تاريخيا، كانت معتقدات بأن هاد
الكلمة عندها قوة كاتشفي بيها الناس لذلك فهي تعتبر "تعويذة". ففي القديييم
كانت لالتعويذات والطلاميس (علميا: التنويم المغناطيسي) دور كبير ف تغيير حياة
الإنسان، فكانو الناس كايعتاقدو بلي الطلاميس كتجيب الطاقات الإيجابية، ف الوقت لي
التعويذات كاتاخذ الطاقات السلبية، ولكن من هادشي كاامل، آشنو هو أصل هاد التعويذة؟
أصل التسمية:
كاين اختلاف فأصل الكلمة، شي ناس كايقولو بلي
الأصل ديال الكلمة من اللغة الآرمية، ولي كاتعني "كانصنع و أنا كانهدر"،
وناس آخرين كايعتاقدو بلي الكلمة جات من اللغة العبرية ولي كاتعني "كانصنع
بكلمة"، ولكن كاين تفسير آخر عندو علاقة بالكابالا (مذهب التصوف اليهودي)، ها
التفسير:
اليهود كايعتاقدو بلي الملك سليمان أسس العقيدة
اليهودية السرية ديال مذهب الكابالا وكتب كتاب على السحر لي سماه "مفتاح
سليمان" أولا "خاتم سليمان"،
ف حكمة سليمان ديال السحر كانت مستعملة اللغة.
من 3000 عام لحد دابا من طرف الغرب.
كلمة أبراكادابرا موخودة من كلمات عبرية لي هي:
"براشا" وكتعني تبريكات، و "دابرا" كاتعني كلمة، إدن
ها-براشا-دابرا كوولها كاتعني "قول تبريكات".
على مر التاريخ
بانت تعويذة أبراكادابرا أول مرة في القرن التالت ملادي
في كتاب سميتو Liber Medicinalis لي ألفو (كوينتوس سبريوتوس سامونيكوس) لي كان طبيب ديال الامبراطور الروماني
كاراكالا. بحيث في الفصل 51 من الكتاب كايقول بلي أي واحد مريض بمرض الملارايا،
كايدير سنسلة مكتوب عليها الكلمة على شكل مثلت، هاد القاعدة كاتقول ايضا أن قوة
هاد التعويذة كاتبعد الأمراض. وكاينين امبراطوريين آخرين لي تاهوما دارو نفس
السنسلة منهم (غيتا) و (ألكسندر سيفيروس) حيت تبعو التعليمات ديال (سيريونوس
سامنكوس).
وولا متلت أبراكادابرا من أكتر التعويذات شهرة في
التاريخ، حينت كايطرد الطاقات السلبية وكايعطي في بلابسو طاقة سحرية وزهر. بالاضافة الى أن
الفرسان في العصور الوسطى كانو كايديروه داكشي علاش ماكانتش سنسلا غير زواق ولكن الهدف هو تزيد زهرهم وتحسن
حياتهم. كذلك واحد الكاتب سميتو (دانييل ديفو) كتب على سكان لندن بلي
كانو كايكتبو
كلمة أبراكادابرا على أبواب ديورهم باش يجريو على مرض الطاعون لي كان منتشر
بشكل كبير فداك الوقت.
ولحد الآن مازال هاد الكلمة مستخدمة بشكل كبير من طرف السحرة و ألعاب الخفة، وماكايناش غير
هاد الكلمة لي كاتمتل قوة خارقة، وليومنا
هذا والناس فمختلف مناطق العالم
إعداد أميمة أجوامعي
تدقيق عبدالله الشعيبي
