موضوع من إعداد:أنس حصاري
كلنا فاش كايتزاد فالأسرة ديالنا شي مولود صغير,كانوليو خايفين عليه,عنداك يطيح,شدو مزيان,ما تخليهش يقرب للما,ما تزيرش عليه,الخ
و لكن فالحقيقة المواليد الصغار كاتكون عندهم بعض القدرات اللي من الصعب اننا نصدقو باللي هاد القدرات كاتزاد مع الانسان و فهاد المقال غادي نهضرو على 10 قدرات رائعة كاتكون عند الدراري الصغار من نهار تزادو
المواليد حديثا كايقدرو يعومو
مجموعة من العلماء قررو واحد النهار انه غادي تكون فكرة مزيانة أنهم يشدو 36 دراري صغار عاد تزادو و يخشيو ليهم راسهم فالماء البارد,و يشوفو أشنو غادي يطرا,و كانت المفاجأة بحيث أنه عوض ما هادوك الدراري يستنشقو الما و يتصابو كاملين بحالة اختناق,اكتشف العلماء واحد الحاجة رائعة اللي هي أن هاد الدراري الصغار كاملين عرفو كيفاش يحبسو النفس
و فوق هادشي كامل فاش خرجوهم الدراري الصغار خرجو كايضحكو
و زيادة على هادشي فتجربة أخرى الباحثين طلبو من الآباء ديال الدراري الصغار يشدوهم و يحطوهم فالما بحيث يكون البطن ديال الدري التحت,الصغار بداو كايضربو برجليهم و يحركوهم بواحد الطريقة بحال اللي كايدير الكلب اللي خلاتهم ما يغرقوش و يبقاو ديما الفوق
التجربة تبثات أن المواليد حديثا كاتزادو كايعومو فطريا,و كذلك البحاثين تبثو من بعد أن هاد القدرة كاتختفي بعد ما كايوصل الطفل ل6 شهر هادشي اللي كتاشفوه بعد ما قامو بتجربة النتائج كانت أقل نجاحا
الدراري الصغار كاتعاود تنمو ليهم بعض الأطراف
ايلا فقط الطفل ديالك جزء من الأطراف ديالو,بحسب الدكتور كريستوفر آلان جسم الطفل غادي يعاود يكون طرف صبع جديد مثل الأول و يمكن حسن بعد مدة ديال الوقت ايلا خليتيه غير بوحدو هادشي اللي كتاشفو هاد الدكتور مع واحد من المرضى ديالو اللي العمر ديالو 8 سنين بعدما تقطع ليها الطرف العلوي ديال الاصبع الوسطى و ما عرفش كيفاش يرجعو و قال للوالدين ديالها يلصقو الصبع مع الطرف اللي تحايد و يأملو للأفضل,بعدما رجعت البنت بعد 3 اسابيع تجاهلات النصيحة ديال الدكتور لكن المفاجئ هو أن هاد الطرف اعاد النمو ديالو من جديد بوحدو,ابحاث بينات لينا ان هادي ماشي حالة منفردة و إنما الاطفال يقدرو يرجعو الطرف ديال الصباع ما دامت التقطيعة ما فاتتش طرف الظفر
عندهم قبضة قوية
فاش مولود جديد كايشد الاصبع ديال واحد من الأب او الأم باليد الصغيرة ديالو,كاتكون واحد اللحظة جد جميلة اللي كاتخلي الناس يفكرو واش شاد بصح مزيان ولا غير حاطها
لحسن الحظ,هادا هو السؤال اللي طرحوه مجموعة من العلماء و لقاو الجواب,بحيث انه ايلا حطيتي طفل على ظهرو و قستي الكف ديالو بالصبع ديالك فغالب الأحيان غادي يحكم القبضة ديالو عليك بحيث انه ايلا هزيتيه كامل يقدر يبقى شاد و ما غاديش يطيح
ولكن سيلفوبلي ما تجربوهاش,لأنه أحيانا الرضيع غادي يطلق عن طواعية و ماشي حيت ما بقاش قدر حيت هو ما عارفش أنه فالسما
البصمات ديالهم كايختفيو بسرعة
فواحد التجربة اللي قامو بيها بعض الباحثين خداو اطفال ما بين عامين تال 17 سنة و قامو بطبع البصمات ديالهم على قرعة ديال الكحول,البصمات بدات كاتختفي بشكل عكسي طبقا للسن بحيث ان الناس الكبار اللي كانة فالتجربة بقات البصمات ديالهم هي الأخيرة باش تختفي
ما عندهمش مشكل ياكلو طن ديال السكر
الشكر ما كايتفاعلش فجسم طفل كنفس الطريقة اللي كايتفاعل فيها فجسم بالغ,جسم رضيع كايحتاج السكر بواحد الوتيرة جنونية بحيث انه بالنسبة للأطفال الصغار السكر كايتعتابر مزيل ألم
الجسم ديال الطفل الصغير مصمم باش يكون كايبغي السكر بزاف و ما كاينش حدود لشحال ديال السكر يقدرو ياخدوه
الرضيع يقدر يحبو بعد 20 دقيقة من الولادة ديالو
عادة الرضيع ما كايبداش يبو حتى كايدير 7 ولا 10 شهور,و لكن هدا فقط لأنه ما كاينش سبب يخليه يحبو,الماكلة كاتجي حتال عندو و الشراب كايجي حتال عندو و ما يحتاجش يتحرك فقط خاصو يبكي لأنه الأم كاتعلمو هاد المسألة,ايلا كان الرضيع محفز أنه يتحرك فيقدر يحبو مباشرة بعد ما يخرج من الرحم
تجربة قدها بعض الباحثين على الرضع مباشرة بعدما تزادو,قامو بتجفيف الرضيع و الغسل ديالو و حطوع على الصدر ديال الأم ديالو و ما تمش الإطعام ديالو فقط باش يشوفو شنو غادي يطرا,بعد,ل 15 دقيقة الأولى ما طرا والو الرضيع فقط بقا متكي,بعد واحد اللحظات الرضع بداو كايمصو الهواء و ما كيلقاو والو و لكن بداو كايتحركو لليمين و اليسار كايستعملو الأطراف ديالهم باش يتحركو حتا وصلو للثدي ديال الأم ديالهم
بمعنى انكي تقدري تخلي الرضيع ديالك يحبو فقط خاصك تعطيه سبب باش يحبو
الرضع كايقدرو يصنعو قلب جديد
تجربة قام بها علماء على فأر جنين بينات لينا واحد الحاجة اللي رائعة بزاف,تقدر تقطع 15 في المئة من القلب ديال الجنين و غادي يعيد النمو ديالو بحالا واحد جديد
العلماء خادو فأر حديث الولادة العمر ديالو قل من أسبوع و قطعو 15 في المئة من القلب ديالو و الحكومة الأمريكية هي اللي قامت بتمويل هاد البحث,بشكل مدهش و غريب الجنين قام بإعادة تركيب الجزء المفقود فأقل من 3 أسابيع,و القلب الجديد كايشتغل بحال القلوب الآخرين
العلماء كايقولو على أن هاد العملية كاتنطبق على جميع الثديات بما فيهم الانسان,و لكن باقي ما جربوهاش,لأنه بعد هاد التجارب كاملة اللي خلينا العلماء يديرو على الدراري اصغار ما كينش شي واحد غادي يعطي ولدو للعلماء يقطعو 15 فالمئة من القلب ديالو بما فيهم العلماء براسهم خوفا من العواقب اللي تقدر تكون غير متوقعة
