واش عمرك شي
نهار بديتي كاتخايل كيفاش غايكون المستقبل وكيفاش غانعيشوه؟ سولنا العلماء باش
يعطيو توقعات حول المستقبل، وهالي قدرو يقولو:
1 . واش عند الانسان مستقبل في مكان من غير
كوكب الأرض؟
"كانضن بلي التخيلات ديال هجرة الأرض هي
وهم خطير. ماكاين حتي شي مكان في النظام الشمسي لي أحسن من الأرض ولا أحسن حتى من
قمة ايفرست أو القطب الجنوبي بالنسبة للانسان. رغم ذلك، كانقول بلي في القرن جاي،
غادي يكونو مغامرين مدعومين من جهات خاصة لي غايعيشو في المريخ ويمكن في كواكب
أخرى من النظام الشمسي. خاصنا نتمناو لهاد المغامرين الحظ الوفير في استخدام كلشي
التقنيات و التكنولوجيا باش يقدرو يندامجو مع بيئة فضائيين. وبمرور بعض القرون
غادي يبانو أنواع بشرية أخرى: عصرPosthuman غيكون بدا.
-مارتين ريس، عالمة بريطانية للكونيات و
الفيزياء الفلكية.
2 . فين وايمتا غادي نلقاو حياة خارج الأرض؟
"ايلا قدرت تعيش المكروبات في المريخ، كانضن
بلي غانلقاوها في ضرف 20 سنة وهادشي الا كانت كاتشبه لكيفاش كانعيشو حياتنا دابا.
الا كان كيفية حياة فضائيين مختلفة بزاف من كيفية حياتنا لي كانعيشوها في كوكب
الأرض حاليا، غادي اكون صعيب باش نلقاو حياة خارج الأرض. ويمكن حتى ايلا كاين
مكروبات مريخية، غادي تكون ناذرة وغادي تكون في أماكن لي صعيب بالنسبة للمسبار
الالي باش يوصل ليها. قمر كوكب المشتري و قمر زحل كايتعتبرو أماكن لي تاهوما ممكن
تخيل الحياة فيهم. قمر كوكب المشتري هو عالم مائي لي يقدر يكون فيه أشكال حياة
اكثر تعقيدا. أما قمر زحل هو أكثر مكان اثارة للبحث عن حياة خاج الأرض. فهو غني بالجزيئات
العضوية ولكنه بارد بزاف ومفيهش ماء
سائل. وحتى الا كاينا الحياة في هاد القمر، غادي تكون مختلفة بزاف مقارنة مع
الحياة ديالنا في الأرض."
-كارول كليلاند. أستاذ الفلسفة وباحث في مركز البيولوجيا الفلكية في جامعة كولورادو بولدر.
3. واش العالم كلو غادي ايكون عندو رعاية صحية شي نهار؟
"المجتمع عرف تطور
كبير في مجال الصحة في 25 عام الأخيرة. ولكن هاد التطورات مازال ماوسلاتش لأغلب
للمجتمعات لي كاتعيش في الأماكن البعيدة و النائية. وسط الغابة لي فيها الشتاء في أغلب الأوقات، فين
كايكونو الناس مقطوع عليهم المواصلات ووسائل الاتصال، مع ارتفاع عدد الوفايات، فهاد
الحالات الوصول للمراكز الصحية كايكون شبه مستحيل بالاضافة الى ان جودة الرعاية
فأغلب الأحيان كاتكون ضعيفة. منضمة الصحة العالمية كاتقول بلي بليون شخص ماعمرهم
مشاو عند شي طبيب أو شي مركز رعاية صحية فحياتهم بسبب بعد المسافات. توضيف العاملين
في مجال الصحة لخدمة المجتمع لي جايين منونفس المجتمع يعتبر حل من الحلول. ويقدرو أيضا
يكافحو فيروسات بحال ايبولا وكذلك استعمال تقنيات الرعاية الصحية الأولية فاش كايكون الولوج لمراكز الرعاية الصحية غير ممكن. المنضمة ديالتي،
Last Mile Health، حاليا
تتوفر على 300 عامل رعاية صحية من 300 مجتمع في 9 مناطق، وهادشي بشراكة مع حكومة ليبيريا. ولكن مانقدروش نديرو هاد
الخدمة بوحدنا. الا كان المجتمع عالميا جدي باش يوصل الرعاية الصحية للناس كلهم في
كل أنحاء العالم، من الواجب عليه دعم عاملي الرعاية الصحية لي يقدرو يوصلو لأبعد
المجتمعات النائية."
-راج بنجابي، الشريك المؤسس
والرئيس التنفيذي Last Mile Health ومدرب في كلية الطب بجامعة هارفارد.
4. شنو هي فرص عيش الانسان من هنا 500 عام؟
"نقدر نقول بلي كاين احتمالات كبيرة حول استمرارية عيش الانسان. حتى التهديدات
الكبرى بحال الطاقة النووية أو الكوارث الطبيعية بسبب التغيرات المناخية ليست خطيرة
بشكل كافي باش تمحينا من وجه الأرض كليا. و الشيئ المخيف حاليا، هو أنه مني يقدرو
الالات الالكترونية قادرين العيش بلا بينا، حنا غادي نتجنبوهم من خلال فصلهم على
الكهرباء."
-
كارلتون كايفز، أستاذ متميز في الفيزياء وعلم الفلك في جامعة
نيو مكسيكو.
5.
واش غانلقاو توأم كوكب الأرض؟
"أراهن
أننا غانلقاو توأم ديال الأرض. حيث كتشفنا بلي الكواكب لي كادور حول نجوم أخرى
بعييدة بزاف من كيفاش كانو كيوصفوها العلماء قبل عقود. وكتشفنا أيضا أن العنصر
الأساسي في حياة هاد الكوكب هو الماء، وهاد العنصر كاين أيضا في الفضاء. ونقدر نقول بلي الطبيعة هي مجموعة كبيرة من الكواكب المتنوعة والكبيرة، بحال كوكب Earth-like.
خاصنا غير نقلبو."
- آكي روبيرج،
عالم الفيزياء الفلكية البحوث لي كتركز على الكواكب الخارجية في مركز غودارد للطيران
الفضاائي.
6. واش عمرنا غادي نقدرو نبدلو أنسجة جسم الانسان كلها من خلال
الهندسة؟
"عام 1995، أنا و جوزيف فاكانتي كتبنا مجلة حول التقدم
في تكنولوجيا البنكرياس الاصطناعي، الأنسجة المعتمدة على البلاستيك مثل الجلد والالكترونيات
الاصطناعي لي غادي تقدر تعاون المكفوفين باش يشوفو. هادشي كامل غادي يوقع. اما
كمنتوجات حقيقية او كتجارب سرية. من بعد بعض القرون غادي اكون من الممكن تبديل
أغلبية الأنسجة في جسم الانسان بأشياء مقاربة ليها. لخلق او هندسة أنسجة فحال
أنسجة الدماغ، لي معقدين لدجة كبيرة و مفهومين بشكل ضعيفة. غانحتاجو كمية كبيييرة
من الأبحاث. والامل ديالنا هو البحث فهاد المجال لايجاد حل للأمراض العقلية فحال مرض
الزهيمر او الباركنسون."
- روبرت لانجر أستاذ في معهد ماساتشوستس للتكنولوجيا.
7. واش نقدرو استغلال الأرض بلا تدمير؟
"نعم، وها لي خاسنا نديروه: تقليل نفايات المحاصيل والنفايات الاستهلاكية واستهلاك اللحوم. ادماج تكنولوجيات
البذور الملائمة وممارسات الإدارة؛ إشراك المستهلكين حول التحديات لي كايوجها المزارعين
في البلدان المتقدمة والبلدان النامية. زيادة التمويل العام للبحوث الزراعية والتنمية؛
والتركيز على التقدم في المجالات الاجتماعية والاقتصادية والبيئية للزراعة لي
كتميزالزراعة المستدامة."
- باميلا رونالد، أستاذ في مركزجينوم وقسم أمراض النبات في جامعة كاليفورنيا،
ديفيس.
8. واش غايكون علاج لمرض
الزهايمر؟
" انا غير متأكدة واش غانلقاو علاج أو لا, ولكن أنا متفائلة
باش نلقاو علاج لتعديل هاد المرض في العقد القادم. حاليا بدينا تجارب الوقاية لي يقدر كلشي اديرها
باش يتجنب هاد المرض. أيضا ماشي من المفروض علاج الزهايمر، ولكن واجب علينا غير
تأخير الخرف من 5 حتال 10 سنين. التقديرات كيبينو بلي التأخير ب 5 سنين ديال
التخريف غادي يخفض تكاليف الرعاية الصحية ديال هاد المرض ب 50 في المئة. والمهم هو أنه هادشي كايعني بلي بزاف
ديال الناس الكبار غاي يموتو كيشطحو فمكان يموتو في دار الرعاية."
-ريسا سبيرلنغ، أستاذة علم الأعصاب في كلية الطب بجامعة هارفارد ومديرة مركز أبحاث الزهايمر والعلاج.
9. واش غانقدرو نتحكمو في الأمراض العقلية لي صعيبة فحال انفصام الشخصية أو
التوحد؟
"الأمراض لي فحال التوحد وانفصام الشخصية صعيبة بزاف حيت علم الأعصاب مازال
مالقاش المشكل الأساسي باش يحلو. بعض الناس كايفسرو بلي الكيمياء الحيوية هي لي غاتلقا الحل في
المستقبل، ماشي علم الأعصاب. ناس أخرين كايضنو بلي الحل عند علماء الأعصاب باش
يفكرو فهاد المرض فكيفية تشكل الدماغ بشكل
عام، وماشي فقط فشل عصبي. "
-مايكل جازانيجا، مدير مركزSAGE لدراسةالعقل في جامعة كاليفورنيا، سانتا باربرا.
10. واش ممكن الوصول للمساواة ين
الجنسين في العلم؟
"المساواة بين الجنسين ممكنة التحقق، ولكن ماشي غير نبقاو كيفما حنا ونتسناوها
تتحقق. غانحتاجو تساوي الأعداد من خلال دعم المرأة أكتر في مجال العلوم
والتكنولوجيا. غانحتاجو اصلاح المؤسسات باش نديرو توضيف مزدوج للمهن، قوانين مناسبة
للعائلات، ورؤية جديدة حول المعنى ديال القائد. و أكتر أهمية، هو أنه غانحتاجو
للمعرفة من خلال اعطاء فرص الابداع للجنسين بجوج وفرص للاكتشاف والاختراع."
-جون ل. هاينز أستاذ تاريخ العلوم في جامعة ستانفر.
إعداد : أميمة أجوامعي
