امتى كانت آخر
مرة استمتعتي فيها؟ و لا امتى كانت اخر مرة نسيتي فيها مسؤولياتك و حاولتي تعيش
حياتك؟ فكر فهاد الأسئلة مزيان. والا كانت هاد الأسئلة افتراض من الإفتراضات لي
مامخلياكش تعيش حياتك و تستمتع بيها، كمل لقراية ديال هاد الموضوع باش تعرف على 8
ديال الطرق لي أتخليك تستمتع بحياتك كتر.
كاتخاف من
الهدرة ديال الناس.
ماكاتبغيش تبان
مسطي أو فشكل قدام الناس؟ كاتخاف أنهم
يحكمو عليك و يبعدو منك؟ عرفتي شنو؟ الناس ماكاتفكرش و ماكاتديهاش فيك كيفما
كايسحابليك. تا واحد فينا ماكايعلم الغيب، ماكاتعرفش اش كاين فعقول الناس. و إلا
كنتي كتعرض للنقد و الحكم من طرف أشخاص حيت باغي تعيش حياتك و تستمتع بيها ، فخاصك
تحيد هاد الناس السلبيين من حياتك. الدكتور سوس كايقول "كون لي بغيتي تكون و
قول داكشي لي كاتحس بيه. ماتديهاش فلهدرة
ديال الناس"
كتظن بلي خاصك تخسر الفلوس.
الحوايج
الزوينين فالحياة كايكونو بلا فلوس،فابور، هادي حقيقة. ماشي ضروري تمشي فشي عطلة
واعرة أو تشري الحوايج بزاف باش تستمتع. بزاف د المرات،كاتقدر تستمتع و نتا كالس
معا ناس عزاز واخا غير فالعتبة ديال الباب، و هادشي فابور، ماكايحتاجش تخسر عليه
فلوس.
كاتظن بلي ماعندكش الوقت.
كاين ديما الوقت
باش تستمتع . ماكايهمش شكون نتايا أو شحال كاتفكر بلي ماعندكش الوقت. الاستمتاع
تقدر تلقاه فأوقات عادية و صغيرة، ماشي ضروري ياخود ليك نهارك و وقتك كامل. خصص واخا غير نص ساعة فالنهار دير فيها شي حاجة
كاتعجبك و ستمتع بيها.
ماشي ضروري خاصك تفكر كيفاش و امتى
غاتستمتع
.
خلي فبالك بلي
الاستمتاع كايجي غير هاكاك، غير متوقع، ماخاصكش كاع انك تفكر ليه امتى ولا كيفاش
غايجي. خلي راسك تعيش أوقات و لحظات غير متوقعة واخا فآخر دقيقة. عيش اللحظة.
كاتاخد كولشي بجدية؟
كيفما جيم
موريسون كتب : "تاواحد ماغايبقى عايش فهاد الدنيا ""
كاتعيش غير مرة
وحدة و هاد العيشة قصيرة إذن علاش تاخود كولشي بجدية؟ استمتع بحياتك بجميع لحظاتها
و عرف بلي تقدر تستمتع حتا بالحوايج الجديين فنفس الوقت.
كتظن بلي خاصو يكون مثالي
بزاف ديال
الأوقات الممتعة كاتجي ملي كاتوقع شي حاجة ماشي هيا هاديك. ماشي ضروري انك تكون
مثالي و أي حاجة كاتديرها تكون مثالية.
الإنسان غير كامل، الكمال لله سبحانه و تعالى، ماتزيرش راسك باش تحاول ترضي الناس
بالحوايج المثالية، و رخف راسك الواحد ضروري مايغلط، عيش حياتك دابا بلي ليها قبل مايفوت الحال.
كتظن بلي الاستمتاع خاصو يكون كبير و
واعر.
ماشي فالنهار لي
تبغي تستمتع بيه خاصو يكون يوم عرس أو حفلة كبيرة، بإمكانك تلقى الفرحة و
الاستمتاع في أصغر اللحظات. الا كنتي كتظن بلي الاستمتاع كايكون غير فالاوقات و
الأحداث الكبيرة، عرف راسك غالط و كاتحرم راسك من الاستمتاع معظم الوقت. الاستمتاع
نتا لي كاتديرو بيديك، ماخاصوش يكون ضروري كبير و واعر.
كاتحس بالملل.
Anhedoniaهوا واحد العرض
من أعراض الإكتئاب لي كايعني "عدم التلذذ" و لي فيه كاتفقد الاهتمام و
الحب لشي حوايج كانو كايعجبوك من قبل.
ADHD : ATTENTION
DEFICIT HYPERACTIVITY DISORDER
و هوا واحد
المرض آخر لي كايعني قصور الانتباه و فرط الحركة، كايخليك تلقى صعوبة انك تلقى
حوايج جداد لي تخلي دماغك نشيط و لي يستمتع بيها. و من هاد الأمراض جوج المتعاكسة
كانستنتجو انك ألا كنتي كاتحس بالملل فانك نتا لي ختاريتي تحس بهاد الإحساس. نتا الوحيد لي تقدر تقوم بتغييرات باش تبدل هاد
الإحساس. خرج و استمتع بحياتك، ماتمرضش راسك.
من إعداد : سلمى
حاتمي.
