باقا مدة اقل من شهر و تبدا القرايا، عاوتاني الكتوبا، الدفاتر، المقررات، اللوازم المدرسية و زيد و زيد... و لكن بلاتي، نتا كنتي فالباك؟ و هاد العام داخل على التعليم العالي؟ نسا هادشي كامل للي قلت ليك! حيت راك غادي تولي تحتاج غير دفتر و ستيلو ازرق.
غادي يكون داز عندكم واحد الموجه للمدرسة ديالكم، قال لكم السمية ديال المدارس و المعاهد العليا، و قال ليكم كل وحدة و المعدلات للي كاتطلب و حتى نوعية القراية للي فيها، و... صافي.
و لكن، واش دوا ليكم على الحياة من بعد الباك كيفاش كاتولي؟ و للا على التحديات الجديدة للي كاتولي كاتواجهها خصوصا ملي كاتعزل على عائلتك و مدينتك؟ و زيد و زيد؟ محال، و هذا هو منين كايبداو المشاكل عند الطالب المغربي، خاصو حتى يمر من التجربة عاد يفهم و عاد يتأقلم مع الظاهرة... للأسف.
و لكن، واش دوا ليكم على الحياة من بعد الباك كيفاش كاتولي؟ و للا على التحديات الجديدة للي كاتولي كاتواجهها خصوصا ملي كاتعزل على عائلتك و مدينتك؟ و زيد و زيد؟ محال، و هذا هو منين كايبداو المشاكل عند الطالب المغربي، خاصو حتى يمر من التجربة عاد يفهم و عاد يتأقلم مع الظاهرة... للأسف.
داكشي لاش حنايا انطلاقا من تجارب خاصة، قررنا اننا نهضرو ليكم شويا على هاد التغيير الجدري للي دزنا منو ملي انتقلنا للتعليم العالي.
كاين فيكم للي غايبقا حدا واليديه، غايقرا في نفس المدينة و غايبقا يحس بحالا راه مازال في الثانوية. من حسن حظه، غايفيق و غايلقا لفطور موجود، غايجي مع 12 و غايلقا الغداء في الطابلة، و نفس السرير للي كان كاينعس فيه داك العام وو للي غايبقا ينعس فيه هاد العام، و كلشي على ما يرام... و لكن، هاداك للي غايكون خاصو يمشي يسكن في مدينة اخرى باش يكمل قرايتو، كيفاش غادي يدير؟ بعيد على عائيلتو، و يقدر انه يشوفهم غا من العطلة للعطلة.
انا ماغاديش نعطيك وصفة سحرية باش تواجه التحديات للي غاتصادف، و لكن غادي نوريك لاياش كاتشبه و كيفاش كاتكون، و انطلاقا من هاد المعطيات كاملة للي غادي نعطيك، غادي تقدر انك تخطط ليها بطريقتك.
نبداو انطلاقا من واحد المثال بسيط: نتا كاتسكن بعيد على عائلتك، فقتي الصباح شربتي كاس ديال اتاي، و من بعد مشيتي للجامعة... خاصك تعرف بلي هاداك الكأس للي شربتي بيه، اذا ماحركتيهش نتا من بلاصتو، راه غايبقا تما الى ان يرت الله الارض و ما فيها. اذا مافقتيش بوحدك، راه ماكاينش للي غايفيقك. اذا ماوقفتيش و صاوبتي الماكلة ديالك بوحدك، غاتبقا بالجوع حتى تنوض نتا. اذا ما جمعتيش الدار للي ساكن فيها، غادي تبقا عايش في الوسخ حتى دير النفس و تنوض تجمعها. اذا مانضتيش باش تخلص الكهرباء و الماء، غادي يقطعوهم عليك... يمكن انك قدرتي تخايل هادشي مزيان، اولا؟
نبداو انطلاقا من واحد المثال بسيط: نتا كاتسكن بعيد على عائلتك، فقتي الصباح شربتي كاس ديال اتاي، و من بعد مشيتي للجامعة... خاصك تعرف بلي هاداك الكأس للي شربتي بيه، اذا ماحركتيهش نتا من بلاصتو، راه غايبقا تما الى ان يرت الله الارض و ما فيها. اذا مافقتيش بوحدك، راه ماكاينش للي غايفيقك. اذا ماوقفتيش و صاوبتي الماكلة ديالك بوحدك، غاتبقا بالجوع حتى تنوض نتا. اذا ما جمعتيش الدار للي ساكن فيها، غادي تبقا عايش في الوسخ حتى دير النفس و تنوض تجمعها. اذا مانضتيش باش تخلص الكهرباء و الماء، غادي يقطعوهم عليك... يمكن انك قدرتي تخايل هادشي مزيان، اولا؟
كاينين بزاف ديال الافكار للي خاصك تمشي بيهم من هنا عارفهم، بحالاش؟
خاصك دير في بالك بلي اغلبية المغاربة ( ماشي كلشي!) عندهم في بالهم واحد الصورة نمطية ديال الطالب: كايتخايلوه بحال هاداك العنصر المشاغب للي ديما كايجيب المشاكل للعمارة و للجيران، كايتصرف بطيش و ماكايحتارمش الجيران ديالو... طبعا واخا نتا مادايرش هاكا، هما غايتخايلوك هاكا حيت ماخاصكش تنتاضر منهم انهم يبدلو مجهود باش يعرفوك. بمعنى آخر، اذا شي مرة كنتي نازل في الدروج و تلاقيتي مع شي جار و دار فيك شي شوفة ماشي هي هاديك، تفكر هادشي للي قلت ليك، و ماتخليهش يأثر على النفسية ديالك لانك ملي غاتكون بعيد على داركم، ماغاتلقاش لمن تشكي، و غاتبقا مبرزط و غادي يأثر ليك هادشي على قرايتك.
خاصك دير في بالك بلي اغلبية المغاربة ( ماشي كلشي!) عندهم في بالهم واحد الصورة نمطية ديال الطالب: كايتخايلوه بحال هاداك العنصر المشاغب للي ديما كايجيب المشاكل للعمارة و للجيران، كايتصرف بطيش و ماكايحتارمش الجيران ديالو... طبعا واخا نتا مادايرش هاكا، هما غايتخايلوك هاكا حيت ماخاصكش تنتاضر منهم انهم يبدلو مجهود باش يعرفوك. بمعنى آخر، اذا شي مرة كنتي نازل في الدروج و تلاقيتي مع شي جار و دار فيك شي شوفة ماشي هي هاديك، تفكر هادشي للي قلت ليك، و ماتخليهش يأثر على النفسية ديالك لانك ملي غاتكون بعيد على داركم، ماغاتلقاش لمن تشكي، و غاتبقا مبرزط و غادي يأثر ليك هادشي على قرايتك.
اي واحد كايبعد على المحيط ديالو كايضعاف و كاتنقص القوة الداخلية ديالو، و تمكن ليك تسمح لأي حاجة توقع ليك، الا هاد القضية! و لكن، كيغادير؟
ساهلة، حاول انك تصنع لنفسك محيط ثاني فهاديك المدينة للي غادي تقرا فيها، تعرف على ناس، انفاتح بذاتك على بنادم للي كايقرا معاك و جعلهم قراب ليك باش ماتحسش بالوحدانية و باش تحس بهاديك القوة للي كنتي كاتمتع بها ملي كنتي مع عائلتك... و ماتنساش بلي في الاتحاد قوة، راك ماغاديش تقدر تواجه مدينة كاملة جديدة عليك بوحدك.
ساهلة، حاول انك تصنع لنفسك محيط ثاني فهاديك المدينة للي غادي تقرا فيها، تعرف على ناس، انفاتح بذاتك على بنادم للي كايقرا معاك و جعلهم قراب ليك باش ماتحسش بالوحدانية و باش تحس بهاديك القوة للي كنتي كاتمتع بها ملي كنتي مع عائلتك... و ماتنساش بلي في الاتحاد قوة، راك ماغاديش تقدر تواجه مدينة كاملة جديدة عليك بوحدك.
تالث شيء خاصك تمشي عارفو، هو انك غادي تكون معرض لمجموعة ديال الخيارات الفردية للي ماغاتلقاش الوقت باش تناقشها مع شي واحد، اهمها: المسائل المتعلقة بالفلوس و المصروف.
ملي الوالدين ديالك غايصيفطو ليك الفلوس ديال الاسبوع ولا الشهر، غادي تكون واقيلا اول مرة تتحط قدام عدد مهم ديال الاوراق النقدية للي خاصك تستعملها باش تعيش تما، و للي خاصك تستعملها بذكاء!
نصيحتي ليك هي: الله رزق و فرق كيفما بغا، يمكن تكون من عائلة ميسورة او متوسطة او فقيرة... كيفما كنتي، حاول انك ماتعيطش لداركم وسط الشهر او الاسبوع باش تقول لهم "تقاداو ليا الفلوس!". انا بغيتك تكون ذكي و عملي في تعاملك مع الفلوس، يعني من اللخر تفكر ديما بلي راك ماعندك لا الوقت لا الفلوس باش تشري شي حاجة ماعندك ما دير بيها، هادوك الفلوس للي عندك صالحين غير للاكل، التنقل، آداء الفاتورات و صافي.
ملي الوالدين ديالك غايصيفطو ليك الفلوس ديال الاسبوع ولا الشهر، غادي تكون واقيلا اول مرة تتحط قدام عدد مهم ديال الاوراق النقدية للي خاصك تستعملها باش تعيش تما، و للي خاصك تستعملها بذكاء!
نصيحتي ليك هي: الله رزق و فرق كيفما بغا، يمكن تكون من عائلة ميسورة او متوسطة او فقيرة... كيفما كنتي، حاول انك ماتعيطش لداركم وسط الشهر او الاسبوع باش تقول لهم "تقاداو ليا الفلوس!". انا بغيتك تكون ذكي و عملي في تعاملك مع الفلوس، يعني من اللخر تفكر ديما بلي راك ماعندك لا الوقت لا الفلوس باش تشري شي حاجة ماعندك ما دير بيها، هادوك الفلوس للي عندك صالحين غير للاكل، التنقل، آداء الفاتورات و صافي.
و آخر حاجة غادي نقوليك، اذا ماقدرتيش انك تأقلم مع الوسط الجديد ديالك، راك ماتجاوزتيش الخارج عن العادي و المألوف، هادشي طبيعي. الحل هو انك، فينما تحس براسك ماشي هو هاداك، تفكر السبب علاش اصلا جيتي لهاد المدينة، و تفكر بلي راك ماغاتبقاش ديما فيها.
هذا ما كان، هادشي كامل حيت عندنا امل واحد، هو اننا مابغيناكمش توقعو في الاخطاء للي ارتكبناها حنا... مع كامل متمنياتنا لكم بالنجاح الدائم.
كونو فشكل!
