فسلسلة أشياء بسيطة و ماعارفينهاش غانهضرو على معلومات و حقائق بسيطة و لكن قليل لي كيعرفها، فالجزء الاول غانهضرو على الكون.
شحال من مرة كانديرو رجل على رجل و ندفعو كبير على بنادم سحاب لينا راسنا متميزين فهاد الكون. وي حنا حكمنا العالم، و مشينا للقمر و وصلنا تا لكوكب بلوتو، و تجاوزنا المجموعة الشمسية كاع من خلال مركبتي فواياجار.
و لكن واش صافي فهمنا الكون ؟ لا مازال، الوصول للفهم الشامل للكون غادي يحتم علينا نجاوبو على كاع الاسئلة المتعلقة بيه. باش مانطولش عليكم، شنو الاسئلة لي مازال ماعارفينش الاجابة عليها حول هاد الكون البديع ؟
شنو حجم الكون ؟ و شحال كبير هاد الكون ؟
هاد المسألة غادي نناقشوها شوية ب شوية، القطر ديال الشمس كبر من قطر الكوكب ديالنا ب 100 مرة. و فنفس الوقت، قطر أكبر نجم فالمجرة ديالنا كبر من قطر الشمس ألف مرة. بالاضافة لهادشي، العلماء كايقدرو عدد النجوم فالمجرة ديالنا بوحدها (درب التبانة) ما بين 100 مليار و 300 مليار نجم، بينما عدد المجرات كتر من 100 ألف مجرة فالكون ديالنا!
دابا عرفتي حجم الكون بالضبط ؟ حبس! هادشي كامل كاين غي فالكون المرئي، أي المجرات و النجوم لي قدرنا نشوفوهم، و ايلا قلت ليك بللي الكون غادي و كايتوسع ؟ دابا كون هاني مع راسك أنك ماعمرك تعرف حجم الكون بدقة!
شنو هو الشكل ديال الكون ؟
كيفاش داير الشكل ديال الكون ايلا قدرنا نشوفوه من برّا ؟ سؤال صعيب حيت مغنقدروش مخرجو من الكون طبعا! الاختيارات محدودة، فهو يا إما مسطح، منحني، أولا كروي. و لكن اينا واحد فهاد الاختيارات هو لي صحيح ؟
حسب النسبية العامة ديال صديقي آينشتاين، الفضاء كايتعوج بسبب الكتلة، و بالتالي الكثافة ديال الكون هي لي غاتحدد لينا الشكل ديالو. بما أن الكون كايتوسع، العلماء عرفو أن قياس واحد الحاجة سميتها الكثافة الحرجة للكون و مقارنتها مع الكثافة الفعلية غايعطينا فكرة حول شكل الكون، ايلا كانت الكثافة الحرجة أكبر من الكثافة الفعلية الكون غايكون منحني، و ايلا كان العكس غادي يكون الكون كروي، و ايلا كانو متساويين غايكون الكون ديال بحال ورقة مسطحة.
القياسات ديال العلماء كاتبين ان القيمتين متساويتين تقريبا، مما يعني الكون مسطح، و لكن !! هاد القياسات غير فالكون المرصود لي هضرت عليه من قبل، يعني تقدر النتيجة تختلف فالكون كامل مما يعني أن ممكن يكون الكون مسطح فالكون المعروف، و منحني فالكون لي مازال ماعرفناه.
شنو سبب الانفجار العظيم ؟
مازال ماعرفناش شنو سبب الانفجار العظيم ؟ (علميا)
واش كاين كون واحد ؟
بدا مفهوم الاكوان المتعددة كايدير بلاصتو ضمن النقاشات العلمية، باعتباره نتيجة ديال محاولات تفسير بعض أجزاء نظرية الكم المتعلقة بعلم الكونيات Cosmology. باش نجاوبو على هاد السؤال خاص مازال نتسناو قياسات معقدة و أدلة لي غادي تنفي أو تؤكد وجود أكوان أخرى من غير الكون ديالنا.
مناش كايتكون الكون ؟ مناش مصايب ؟
القياسات الفلكية بينت أن جميع الذرات و النجوم و المجرات كاتمثل %5 من الكون الاجمالي، بينما الطاقة + المادة المظلمة كايقسمو بيناتهم هاديك %95 لي باقية من الكون بشكل غير متساوي، فنفس السياق، العلماء كايظنوا أن الكون كايتوسع بفضل هاد الطاقة المظلمة و لكن شنو هو دور المادة المظلمة ؟ و واش عندها شي دور آخر ؟
واش حنا بوحدنا فهاد الكون ؟
على مر التاريخ، هاد السؤال نوض لينا الصداع و ولد لينا نقاشات فلسفية و دينية قبل ما ينتقل للجانب العلمي كذلك.
لي جاوب على هاد الاسئلة هو لي يقول راه عارف الكون.
إعداد : عبد الله الشعيبي
و لكن واش صافي فهمنا الكون ؟ لا مازال، الوصول للفهم الشامل للكون غادي يحتم علينا نجاوبو على كاع الاسئلة المتعلقة بيه. باش مانطولش عليكم، شنو الاسئلة لي مازال ماعارفينش الاجابة عليها حول هاد الكون البديع ؟
شنو حجم الكون ؟ و شحال كبير هاد الكون ؟
دابا عرفتي حجم الكون بالضبط ؟ حبس! هادشي كامل كاين غي فالكون المرئي، أي المجرات و النجوم لي قدرنا نشوفوهم، و ايلا قلت ليك بللي الكون غادي و كايتوسع ؟ دابا كون هاني مع راسك أنك ماعمرك تعرف حجم الكون بدقة!
شنو هو الشكل ديال الكون ؟
كيفاش داير الشكل ديال الكون ايلا قدرنا نشوفوه من برّا ؟ سؤال صعيب حيت مغنقدروش مخرجو من الكون طبعا! الاختيارات محدودة، فهو يا إما مسطح، منحني، أولا كروي. و لكن اينا واحد فهاد الاختيارات هو لي صحيح ؟
حسب النسبية العامة ديال صديقي آينشتاين، الفضاء كايتعوج بسبب الكتلة، و بالتالي الكثافة ديال الكون هي لي غاتحدد لينا الشكل ديالو. بما أن الكون كايتوسع، العلماء عرفو أن قياس واحد الحاجة سميتها الكثافة الحرجة للكون و مقارنتها مع الكثافة الفعلية غايعطينا فكرة حول شكل الكون، ايلا كانت الكثافة الحرجة أكبر من الكثافة الفعلية الكون غايكون منحني، و ايلا كان العكس غادي يكون الكون كروي، و ايلا كانو متساويين غايكون الكون ديال بحال ورقة مسطحة.
القياسات ديال العلماء كاتبين ان القيمتين متساويتين تقريبا، مما يعني الكون مسطح، و لكن !! هاد القياسات غير فالكون المرصود لي هضرت عليه من قبل، يعني تقدر النتيجة تختلف فالكون كامل مما يعني أن ممكن يكون الكون مسطح فالكون المعروف، و منحني فالكون لي مازال ماعرفناه.
شنو سبب الانفجار العظيم ؟
مازال ماعرفناش شنو سبب الانفجار العظيم ؟ (علميا)
واش كاين كون واحد ؟
بدا مفهوم الاكوان المتعددة كايدير بلاصتو ضمن النقاشات العلمية، باعتباره نتيجة ديال محاولات تفسير بعض أجزاء نظرية الكم المتعلقة بعلم الكونيات Cosmology. باش نجاوبو على هاد السؤال خاص مازال نتسناو قياسات معقدة و أدلة لي غادي تنفي أو تؤكد وجود أكوان أخرى من غير الكون ديالنا.
مناش كايتكون الكون ؟ مناش مصايب ؟
القياسات الفلكية بينت أن جميع الذرات و النجوم و المجرات كاتمثل %5 من الكون الاجمالي، بينما الطاقة + المادة المظلمة كايقسمو بيناتهم هاديك %95 لي باقية من الكون بشكل غير متساوي، فنفس السياق، العلماء كايظنوا أن الكون كايتوسع بفضل هاد الطاقة المظلمة و لكن شنو هو دور المادة المظلمة ؟ و واش عندها شي دور آخر ؟
واش حنا بوحدنا فهاد الكون ؟
على مر التاريخ، هاد السؤال نوض لينا الصداع و ولد لينا نقاشات فلسفية و دينية قبل ما ينتقل للجانب العلمي كذلك.
دابا الموشكيل هو أن الكون كبيــــــــــــــــــــــــــــــــــــــــــــــــــــــــــر بزاف، هادشي كايفرض علينا نآمنوا أنه كاين مخلوقات أخرى فهاد الكون، دابا غي بالمنطق، واش من بين 1000000000000000000000000000000000000 مجرة (عدد تقريبي) غادي يكون الكوكب ديالنا بوحدو لي فيه كائنات حية ؟ و ايلا كانو هاد الكائنات علاش مازال ماشفناهم ؟ واش هادا دليل على أننا بوحدنا ؟ سؤال محير بزاف!الفضائيون قادمون "لا محالة" لاستعمار الأرض
لي جاوب على هاد الاسئلة هو لي يقول راه عارف الكون.
إعداد : عبد الله الشعيبي
