18 معلومة "لذيذة" على الشكلاط

فالأول المايا و الأزتيك شربوها ، من بعد الأوروبيين صنعوها قاصحة . واليوم الشكلاط ولات أنجح صناعة في العالم بقيمة كتزيد على 100 مليار دولار سنويا .

احتفلوا معانا بأفضل و ألذ شيء في العالم و تعلموا حاجة ولا جوج مع 18 من المعلومات المدهشة حول موضوع : حقائق على الشكلاط .

1) واحد الدراسة دارت ف 2004 كتقول ان 70% من الناس غايكشفوا كلمات سر الحاسوب ديالهوم فالمقابل ديال لوح ديال الشكلاط . 😳

2) "روث ويكفيلد" ختارعات الرقائق ديال الكوكيز فولاية "Massachusettes " الأمريكية حوالي سنة 1938 و باعت الوصفة لشركة " Nestle " ب دولار واحد فقط و امدادات ديال الشكلاط غير محدودة مدى الحياة.

3) صناعة الشكلاط كتدخل أرباح ضخمة اكثر من 100 مليار دولار سنويا ، واللي كايزيد على الناتج المحلي الإجمالي ديال حوالي 150 من دول العالم .

4) الإسم اللاتيني ديال شجرة الكاكاو هو THEOBROMA CACAO و معنى هاد الكلمة هو : اللي كتعني غذاء  الآلهة.

5) حوالي 70% من إمدادات الشكلاط فالعالم كاتجي من إفريقيا ، و ساحل العاج هي اكبر منتج .

6) فالحرب العالمية الثانية ، النازيين دارو خطة ﻹغتيال "ونستون تشرشل " رئيس الوزراء البريطاني بقطعة متفجرة من الشكلاط .

7) واحد التقرير دار سنة 2012 بين أن معظم الناس اللي عندهوم حساسية للشكلاط فالحقيقة كيكون عندهوم حساسية من أجزاء الصراصير اللي تقدر تكون فهاد الشكلاط .

8) المواطنين الأمريكيين الساكنين فالوسط والجنوب ديال أمريكا كانوا كيزرعوا حبوب الكاكاو بكري من 1250 قبل الميلاد ، و ماوصل لأوروبا تال القرن 16.

9) درجة ذوبان الشكلاط كتناسب مع درجة حرارة الجسم ديال الإنسان داكشي علاش كدوب لينا فالفم .

10) دراسة دارتها جامعة أوساكا في اليابان لقات أن أجزاء من حبوب الكاكاو ، اللي هي المكون الرئيسي ديال الشكلاط كيحارب بكتيريا الفم وتسوس الأسنان .

11) الأوروبيين هم أكثر وحدين كياكلوا الشكلاط بحيث أن متوسط الإستهلاك ديال بريطانيا ، سويسرا و ألمانيا هو 10.88 كيلوغرام من الشكلاط سنويا لكل شخص.

12) شجرة وحدة ديال الكاكاو كاتنتج ما يكفي من الحبوب باش يتصنع حوالي 20 لوح فقط ديال الشكلاط من نوع " HERSHEYBARS".

13) الشكلاط الداكنة عندها فوائد صحية كبيرة ؛ حيت هي كتقلل من خطر السكتة الدماغية و كاتحافظ على الدماغ باش يبقى فصحة مزيانة.

14) شكلاط M&M'S تختارع أصلا للجنود ديال الحرب العالمية الثانية، باش ياكلو شكلاط بلا مايذوب ليهم

15) كلمة الشوكولاطة chocolate جايا من كلمة "XOCOATL" وهو مصطلح من لغة شعب "الأزتيك" كتعني"الشراب المر" حيت كانوا كايخمروا حبوب الكاكاو ويخلطوها مع الفلفل "الابزار" ، الماء والعسل و يشربوه.

16) حسب ناسا "NASA" فشكلاطة M&Ms طارت أكثر من 130 مرة للفضاء كوجبة خفيفة لرواد الفضاء .

                

17) واحد الرقاقة من الشكلاط غاتعطيك الطاقة اللي تحتاج باش تمشى حوالي 46 متر.

18) شعوب المايا والأزتيك كانوا كيعتقدوا أن الكاكاو عندوا خصائص سحرية داكشي علاش كانوا تيستعملوه فمعظم الطقوس المقدسة بحال التضحيات البشرية و الاعراس ديالهوم .

المراجع : All That Is Interesting

إعداد : إلياس الكبيري