الديب ويب,موضوع محير بزاف ديال الناس,مخربقهم ما فاهمينوش لأن الناس اللي
شرحوه فالبداية شرحوه بهدف أنك نتا ما تفهموش,عقدو الأمر أكثر من اللازم لأنه ما كانتش عندهم دراية كافية بالموضوع ولا ببساطة ما بغاوكش تفهم,على كل حال فهاد الموضوع ديالنا على الديب ويب غادي نحاولو نهدرو على كاااع الجوانب اللي يقدر
يكون عندك مشكل فيها
آشنو هو الديب ويب؟
الديب ويب,هو واحد الشبكة ديال الانترنت بحال اللي كانعرفوها دابا فيها حتى هي مواقع صور,مواقع ديال التواصل الخ الخ يعني فالطبيعة ديالها هي ما مختالفة على
المواقع اللي كانعرفوها كاملين بوالو,ولكن الاختلاف فين كاين هو فبنية هاد الشبكة,هنا غادي نهدرو على كيفاش كايخدم الانترنت ديالنا و الشبكات و المواقع اللي كانخدمو بيها يوميا غوغل,فيسبوك,تويتر,يوتوب الخ... الشبكة اللي فيها هاد الموقع ولا كما يصطلح عليها "السطح" كاتخدم بشكل ديال أن نتا فاش كاتكتب هاداك العنوان ديال الموقع اللي باغي تمشي اللي هو بلابلابلا.غوغل.كوم كايمشي واحد الطلب من الجهاز ديالك لواحد السيرفرات مركزية اللي كاتقوم بتحليل الطلبات ديال مختلف الناس و كاتديهم للمواقع اللي باغينها و هنا فين كين اللعب,هو أن هاد السرفرات هي مراقبة من طرف المواقع نفسها و مادام أن هاد المواقع و السرفرات تابعة لشركات يعني أنها مراقبة من طرف السلطات كذلك مثلا يوتوب و غوغل تابعين لشركة غوغل و السرفرات ديالهم تابعين لشركة غوغل يعني أن اي عملية كاتقوم بيها نتا و طلب كاترسلو لهاد السرفرات غوغل كاتعرفو و ايلا عرفاتو غوغل غادي تعرفو السلطات,مزيان,هنا غادي نهدرو على الديب ويب التقنية اللي كايتم استعمالها فالديب ويب سميتها
Peer to Peer (P2p)
ولا بالعربية النظير للنظير,من السمية باينة طريقة العمل هي أنه ما كاينش سرفر مركزي بل المعلومات و الطلبات كاتتم مباشرة لحواسيب كاتلعب دور السرفر مرة و دور الكلاينت مرة أخرى (كلاينت معناها الزبون اللي كياخد المعلومات من السرفر) و بهاد الطريقة ما يمكنش لشي طرف تالث يتدخل و يعرف المعلومات اللي كاتروج فالكونيكسون بيناتكم ما غاديش نقول ما يمكنش و لكن من الصعب,بنيويا هذا هو الاختلاف اللي كاين على مستوى الشبكة و اللي كايصعب التقاط المعلومات
الرائجة فهاد الشبكة من طرف السلطات,بالنسبة لعناوين المواقع فهي ما كاتكونش بالصيغة اللي معتادين عليها اللي هي
www.****.com/fr/org....
كاتكون بصيغة مختلفة كاتميزها على المواقع الللي كانعرفوها
الدومين ديالها كايكون هو
onion
و المواقع كاتكون بهاد الصيغة
http://hqkolxjdurlxskeop.onion
كاتكون فالبداية كود كايرمز للموقع و من بعدو أونيون
هنا دوينا على الشكل دابا نهدرو على
علاش هو تسمى الانترنت العميق؟
مبدئيا جميع المواقع اللي كانعرفوها دابا ايلا كتبناها فمحركات ديال البحث بحال
google,bing,yahoo....
غادي يعطيونا نتائج على هاد المواقع,كيفاش كايعطيونا هاد النتائج,محركات البحث كاتستعمل واحد الحاجة سميتها
Web Crawlers,Spiders
المهمة ديال هاد البرامج هو أنها تقوم بواحد العملية ديال المسح للمواقع كاتبقا غادا من صفحة لصفحة و كل صفحة و أخرى كاينة علاقة ما بيناتهم يعني ايلا مشيتي دابا لغوغل و كتبتي فيسبوك غادي يعطيك مجموعة من النتائج ماشي فقط موقع فيسبوك و لكن النتائج الأخرى غادي تكون اغلبها صفحات ديال موقع فيسبوك كذلك,الفكرة وضحات هاكدا باش كايجيب محرك البحث النتائج,و لكن كاين بعض الصفحات اللي هاد البرامج اللي هدرنا عليها ما تقدرش تدخل ليها,ممنوعة أنها تدخل ليها و كاتبقى مجهولة و هادي كاتسما ديب ويب كذلك يعني أي حاجة نتا دايرها خاصة ما كاتبانش للعموم فقط مخزنة فبيانات ديال فيسبوك ولا أي قاعدة بيانات نقدرو نقولو عليها حتى هي ديب ويب >_< المهم الفكرة على آشنو هو ديب ويب و اشنو اللي خلا الديب ويب تكون سميتو ديب ويب دابا وضحات و دابا غادي نهضرو على
آشنو اللي عطا للديب ويب سمعة سيئة؟
كيفما قلنا الديب ويب هي فقط صفحات محجوبة و ماشي بالضرورة يكون عندها واحد الهدف خبيث ولا شي حاجة هكذا و لكن! الديب ويب مقسم لأجزاء :) اللي هي اللي فيها اللعب الخايب :3
غادي نهضرو على أقسام الديب ويب من الأقل سرية حتال الأكثر سرية
سطح الديب ويب:روبوات ديال السبام,اعمال ديال العنف,الجريمة الرقمية,بعض المحتوى الحساس,بعض الهاكرز الصغار,بزااااااف ديال دوس اتاك,بعض الأوراق
المسربة لأبحاث خاصة المهم شي حوايج صغار
من بعد هاد الخطوة كايجي
الإنترنت المظلم أو الدارك نت:مقاطع ممنوعة من العرض كليا,مجموعات ديال الهاكرز,اتجار بالحيوانات النادرة,الويكي المخفي,الاتجار بالمخدرات,الاتجار بالأعضاء البشرية,كراء القتلة,شراء عبيد,شراء دماء,الاتجار فالأطفال,أفلام اباحية في حق أطفال صغار, الاتجار فالأسلحة,الاتجار فالأسلحة الكيماوية لدرجة أنه
كان واحد العرض ديال بيع يورانيوم مخصب
الشبكة الخاصة:برامج فحص جد ذكية,ملفات خاصة بالمخابرات,حواسيب خارقة,فحص الالكترونيات
Marina's web
ما غادي نقول ليكم عليها والو حيت ما عارف عليها والو :)
اذا انطلاقا من هاد التصنيف ديال الطبقات اللي عطيتكم عرفتو مناش اكتسب الديب ويب السمعة السيئة ديالو؟ تماااااما هاداك الدارك نت هو سبب السمعة السيئة ديال الديب ويب وهي الطبقة الأكثر اكتظاظا فهاد الطبقات كاملين بهاد المناسبة نبغي نقول ليكم أن ماريانا ويب باش تدخل ليه خاصك تحل مجموعة من الخوارزميات المعقدة جدا باش تعرف كيفاش تدخل ليه,نكملو الموضوع ديالنا ,هاداك الدارك نت تما فين كاين مجموعة من الأفعال اللي ما يمكنش يستحملها إنسان عادي مهما كانت قساوته,نهدرو على الأفعال اللي كاتكون فهاداك الدارك نت, فالدارك نت كاتكون ما يسمى بـ
Cannibalism
و اللي هي أكل لحوم البشر,فعلا و هادشي موثق فمقاطع فيديو ناس كياكلو لحوم ناس آخرين يا إما احتاجزوهم ولا هادوك الناس قدمو أنفسهم كفدية ولا خادو مقابل هاد الفعل المال لصالح عائلاتهم
كاين كذلك
Child Pronogrpahy
و اللي هي من أبشع ما يمكن تلقى فالدارك نت تحت اسم
Hard Candy
و لا داعي باش نوصف ليكم بشاعة المشاهد اللي تقدر تشوف ايلا دفعك الفضول و بغيتي تشوف فهاد المجال لأنه واحد القبح و بشاعة لا توصف و كاتشوف و كاتزيد تتأكد على أنه أقبح مخلوق على وجه الكرة الأرضية هم البشر
كاين كذلك نوع من النشاطات أخرى بخصوص الهويات بحيث يمكن ليك تشري جوازات سفر أمريكية أو ألمانية
ولا من أي جنسية بغيتي كذلك بطاقات هوية ديال أي دولة بغيتي و الأسعار كاتختلف على حسب الجودة ديال المنتوج و المنتوج اللي بغيتيه لأنه ايلا بغيتي بطاقة هوية أمريكية مزورة ماشي بحال ايلا بغيتي وحدة هندية و ما إلى ذلك,على كل حال ايلا جيت نهدر ليكم على النشاطات اللي تقدر تكون و تقدر تشوفها عند اهتمامك بالدارك نت راه ما غاديش نسالي و غادي يشمئز القلب ديالك من الكلام,طبعا الديب ويب بالشمولية ديالو ماشي مكان فقط للأعمال الاجرامية بل تما تقدر تلقى صحافيين فضوليين كايبغيو يجيبو المعلومة سخونة و قبل من كلشي لأنه فأكثر من مناسبة تسربات وثائق في غاية السرية و تم النشر ديالها على بعض المواقع فالديب ويب قبل ما ينشرها موقع ويكيليكس المشهور يعني أنه مكان تقدر تجيب فيه بعض المعلومات قيمة فجميع المجالات,مجال الحماية,و مجال السياسة على وجه الخصوص,دابا كملنا الكلام على مناش جاب السمعة السيئة غادي نهضرو على
ولا من أي جنسية بغيتي كذلك بطاقات هوية ديال أي دولة بغيتي و الأسعار كاتختلف على حسب الجودة ديال المنتوج و المنتوج اللي بغيتيه لأنه ايلا بغيتي بطاقة هوية أمريكية مزورة ماشي بحال ايلا بغيتي وحدة هندية و ما إلى ذلك,على كل حال ايلا جيت نهدر ليكم على النشاطات اللي تقدر تكون و تقدر تشوفها عند اهتمامك بالدارك نت راه ما غاديش نسالي و غادي يشمئز القلب ديالك من الكلام,طبعا الديب ويب بالشمولية ديالو ماشي مكان فقط للأعمال الاجرامية بل تما تقدر تلقى صحافيين فضوليين كايبغيو يجيبو المعلومة سخونة و قبل من كلشي لأنه فأكثر من مناسبة تسربات وثائق في غاية السرية و تم النشر ديالها على بعض المواقع فالديب ويب قبل ما ينشرها موقع ويكيليكس المشهور يعني أنه مكان تقدر تجيب فيه بعض المعلومات قيمة فجميع المجالات,مجال الحماية,و مجال السياسة على وجه الخصوص,دابا كملنا الكلام على مناش جاب السمعة السيئة غادي نهضرو على
كيفية الولوج لهاد الشبكات؟
الشبكات محمية كيفما قلنا و ايلا بغيتي تدخل ليها خاصك واحد النوع خاص من متصفحات الانترنت أشهرها هو
The Onion Router(TOR)
و هاد المتصفح محمي بشكل كبير بحيث أنه من الصعب جدا جدا أنه يتم التعقب ديالك عن طريق تور,لأنه كايستعمل مجموعة من البروكسيات قبل ما يدخل للموقع اللي باغي تدخل ليه نتا,طبعا ماشي تور الاستعمال ديالو ما كايوقفش فقط على الديب ويب و إنما كينين ناس كايستعلموه يوميا فالتصفح على فيسبوك و يوتوب حفاظا على الخصوصية ديالهم,على كل حال تور هو اللي كيسمح ليك أنك تدخل للديب ويب و تشوف آشنو كايوقع تما,طبعا حنا ما كانصحو حتى شي واحد يدخل للديب ويب,لأانه كايبقى مكان للأعمال الغير قانونية و التصفح ديالو ممنوع,و بهاد المناسبة نبغي نقول ليكم أنه أنك ايلا دخلتي للديب ويب لإانت عرضة أنه يتم الاختراق ديال الجهاز ديالك فأي لحظة و سحب بيانات منو باش يتم توظيفها فشيء آخر ما عارفوش نتا, طبعا نبغي ننوه لواحد العملية مهمة,ديال أنك نتا كفرد دائما مستهدف اإيلا كنتي فالديب ويب و ماكنتيش حافظ سواريك لذلك ما كنصحش شي واحد يدخل ليه و ايلا كنتي دخلتي ليه و ما طرا للبيسي ديالك والو فكن على يقين أنك ما دخلتي فين لأانني صراحة كانشك باللي كاين شي واحد فعلا دخل للأعماق ديال الديب ويب فين الفيروس التروجان و البرامج الخبيثة و الهاكرز غير كايتساراو باغيين معامن
كان هذا هو الشرح ديالنا على الديب ويب نتمنى أن الموضوع يكون نال الاعجاب
ديالكم و استفدتو قدر الامكان,و ايلا أي واحد عندو فيكم شي سؤال ما يترددش يسألنا على الصفحة ديالنا ولا يرسل رسالة مباشرة لواحد من مدراء الصفحة,الى اللقاء فموضوع آخر ان شاء الله
إعداد:أنس حصاري
