السلام عليكم,غادي نهضرو على واحد من المواضيع اللي كايطلبوها منا الفانز بزاف و اللي هي الحرب العالمية الثانية طبعا الموضوع غادي يكون مقسم على تلاث اجزاء(ممكن كثر الى بغينا ندخلو فالتفاصيل) ولكن على كل حال الموضوع غادي يكون شامل و غادي يهنيكم من الاجتماعيات بالنسبة للناس اللي كايقراو هادشي,و الناس اللي ما كيقراوش غادي يعطيكم فكرة عامة إذا نبداو على بركة الله
:بداية الحرب-
صورة للناس في موسكو كايسمعو الإعلان ديال الحرب عام 1941
و أكبر غزو في تاريخ البشرية بدا من هاد اللحظة,بواسطة 4 ملايين جندي مدججين
بـ600 الف عربة و 750000 حصان ,3000 كيلومتر فقط ديال الجبهة الأمامية صورة للجيش الألماني أثناء اقتحامه للحدود السوفياتية
طبعا الهجوم اللي شناتو ألمانيا على الاتحاد السوفياتي كان على غفلة و الخسائر كانت كارثية بحيث انه فقط بعد مرور 9 ايام الألمان دمرو 1400 طائرة سوفياتية فالجو و 3200 طائرة على الأرض الرقم اللي كايقارب 40% من مجموع القوة الجوية ديال الاتحاد السوفياتي
في حين ان الألمان فقط خسرو 330 طائرة,مجهدين
بالنسبة للدبابات السوفياتيين خسرو 3300 دبابة في حين ان الألمان خسرو فقط 220
صورة لدبابة سوفياتية و الطاقم المتفحم
و لكن أكثر الخسائر كانت هي الخسائر البشرية بحيث ان الاتحاد السوفياتي خسر 6
ملايين جندي بينهم 2.7 مليون ماتو و 3.3 مليون تم الأسر ديالهم لدرجة انه مقابل
ملايين جندي بينهم 2.7 مليون ماتو و 3.3 مليون تم الأسر ديالهم لدرجة انه مقابل
كل جندي ألماني كان الاتحاد السوفياتي كايخسر 20 جندي
صورة للجنود السوفياتيين و هوما كايستسلمو
و لكن فالأخير السوفياتيين قدرو يستجمعو القوى ديالهم و يفيقو من الصدمة,المقاومة ديالهم زادت و الألمانيين بداو كايتراجعو,بحلول غشت 1941 الألمان خسرو فقط 46,000 جندي و بحلول دجنبر ربع القوات الألمانية كان يا إما تقتل ولا تعطب
صورة نادرة لجندي ألماني فاللحظة اللي تضرب فيها برصاصة سوفياتية
:معركة موسكو-
بحلول نوفمبر من سنة 1941 الاتحاد كان قفرها و كان غادي ياكل سلخة,هتلر علن على أنه فاز بالحرب و جبد الأدلة اللي عندو اللي هي 2 مليون أسير سوفياتي, 18 الف دبابة تدمرات,14500 طائرة اتحطمات و أكثر من تلاث ارباع الجيش السوفياتي تشرشم
الجيش الألماني كانبعيد ب 15 كيلومتر فقط على موسكو و السوفيات بقا عندهم فقط 90 الف جندي و 150 دبابة للدفاع على المدينة العالم كامل شاف على ان هذه هي نهاية الاتحاد السوفياتي و من اجل رفع المعنويات ستالين قام بموكب عسكري
في الساحة الحمراء
صورة لجنود سوفياتيين كاينطالقو مباشرة من الساحة الحمراء في موسكو لأرض
المعركة نوفمبر 7 عام 1941
و طبعا المشاكل الميؤوس منها كاتطلب حلول ميؤوس منها ,الروس قامو بتدريب الكلاب على الركض نحو الدبابات ديال الألمان و تفجير نفسهم بواسطة احزمة ناسفة لابسينها
صورة لكلاب لابسين أحزمة ناسفة متوجهين لأرض المعركة
في دجنبر 1941 درجة الحرارة نزلات لـ-35 درجة اللي هي باردة حتى بالنسبة لروسيا,الألمان تصيدو فهاد التويشية لأنهم ما كانوش مستعدين,و 130 الف حالة تجمد تام التسجيل ديالها فصفوف الجيش الألماني
بفضل قرار اليابان بعدم الهجوم على الاتحاد السوفياتي,قام الاتحاد بجلب معدات و جنود من صربيا و اللي هي مليون جندي و أكثر من 1000 دبابة و دابا آراك للفراجة
جنود جداد معدات جديدة و قوة أكبر قام الاتحاد السوفياتي بدفع الجنود الألمان اللي ظهر عليهم العياء من الأجواء 200 كيلومتر اللور,و هذي كانت أكبر هزيمة أتعرض ليها هتلر فالحرب العالمية الثانية
صورة لجنود ألمانيين كايستسلمو
الأجزاء الأخرى ان شاء الله ما زال جاية فالطريق نتمنى هاد الجزء يكون نال الإعجاب ديالكم و شكرا على الدعم :)
