بحال اليوم 18 ماي من عام 2015، الأدمين عبدالله الشعيبي أسس صفحتنا المعرفية و الثقافية Le Saviez-vous ? Version b Darija، ماغاديش ننكرو أن صفحتنا بدات فالأول بطابع فكاهي بالدرجة الأولى، و لكن سرعان ما اتخذنا نهج نقل المعرفة باللهجة الدارجة المغربية لي كاتميزنا على الباقي.
أولا، علاش الدارجة ؟
حيت الانسان فاش تايفكر راه تايفكر باللغة الام ديالو عاد تايترجم داكشي للغة لي باغي يعبر بيها. ولايخفاكم ان فهديك الترجمة يكمن الشيطان حيت اللغة عندها واحد الحمولة ثقافية ترتبط بالمكان والزمان شكون فينا لي ماعمرو تصادف مع شي عبارة انجليزية اولا فرنسية مفهمهاش واخا ترجمها للعربية داكشي علاش الراسخون كينصحو باش تقرا الكتوبا بلغة الكاتب قدر المستطاع تفاديا للجنوح الدلالي و بالتالي هاد استعمال الدارجة راه انتصار تقافي ماشي ميوعة حيت احسن حاجة تتعبر علينا هي دارجتنا هادشي لي فطنو بيه السياسيين او ولا الخطاب السياسي مدرج قدر المستطاع كاين لي كايسميها شعبوية مي بغينا ولا كرهنا ولات جلسات مجلس النواب والمستشارين كاتلقا اقبال مهم بعد ماكانت نقطة سوداء فالطفولة ديالنا حرماتنا من شحال من حلقة ديال النمر المقنع باش نزيد مثال اخر للختم قارن غير عدد مشاهدات رشيد شو او mais encore او انا اكيد انا كاين هنا لي ماتيعرفش هاد البرنامج كاع مع العلم انهما عندهم نفس السياق هنل مكناقشوش الجودة بقدر ماكاناقشو نسب المشاهدة في حين يتربع برنامج رشيد شو على هرم البرامج الاكثر مشاهدة mais encore كنشك بلي كايتابعوه عير عائلة الضيف و فالنهاية ماكاين ماحسن باش نختم بالقولة ديال الاب الروحي ديالي المهدي المنجرة "لا توجد اي دولة في العالم انطلقت في المجال التكنولوجي دون الاعتماد على اللغة الام" و السلام عليكم.
المفاجأة
المفاجأة
على أي، واعدتكم البارحة بمفاجأة، المفاجأة غالية بزاف عليا شخصيا و هي نتاج عملنا فمدة سنة، مدة عام و حنا كانقاصيوا مع غياب المعدات و الأجهزة و المنافسة و الكريتيك الخاوي .. الخ غانعطيوكم 1600 معلومة حطيناها فالصفحة جاهزة باش تيليشارجيوها .. لمعلوماتكم الربح ديالنا من أول نهار لدابا هو أصدقاء، ناس مثقفين، معرفة اكتسبناها معاكم .. شكرا على ثقتكم و كانتمناو نحققوا هدفنا هاد العام و هو الفوز بلقب أحسن صفحة فيسبوك مغربية.
باش طيليشارجيو المعلومات كليكي فهاد البوطونة :
إعداد : عبدالله الشعيبي
