واش بصاح حمالات الصدر النسائية كاتسبب سرطان الثدي ؟

النساء كايلبسو حمالات الصدر لأنه من غير المريح بالنسبة ليهم أنهم يخليوا صدرهم يتحرك ف كل حركة كايديروها، و لكن واش حمالات الصدر كاتسبب السرطان ؟ واش ممكن أن هاد الملابس المساعدة كاتساهم ف قتل المرأة ؟ أسئلة تُطرح منذ عقود

بدا كولشي عام 95، مع واحد الكتاب سميتو "Dressed To Kill" ديال سيدني روس سينغر و سوما جريسمايجر، هوما زوج و زوجة و فريق أنثروبولوجيا طبية، هاد الكوبل قال بلي أن المرأة لي كاتلبس حمالات صدر ضيقة كل يوم، كاتكون معرضة لخطر سرطان الثدي بنسبة أكبر من المرأة لي كاتخلي صدرها بشكل طبيعي. و برروا هاد النظرية بأن الملابس الضيقة فوق صدر المرأة كاتحبس مجرى تصريف الغدد اللمفاوية، بحيث أن هاد الحمالات كاتحاصر السموم فأنسجة الثدي، الشيء لي كايزيد احتمال الإصابة بالسرطان.

كايقول رئيس فرع علم الأوبئة التناسلية و الهرمونية فالمعهد القومي للسرطان لويس برينتون أنه من غير المنطقي أن حمالات الصدر تكون بالخطورة لي هضر عليها كتاب "Dressed to Kill" حيث أن عوامل الاصابة بسرطان الثدي كايأثر على مستوى الهرمونات بشكل عام و بريتون دار بزاف ديال الأبحاث فهاد المجال لمدة 30 سنة، يعني السيد عارف شنو كايقول.

بحيث كايضيف بريتون، أن العامل الرئيسي فالاصابة بسرطان الثدي هو عمر المرأة و العمر لي ولدت فيه ابنها الأول "خطر الاصابة كايرتفع بالنسبة للعيالات لي مازال ماولدوش و للنساء لي ولدو بعد سن 30 عام". و كايعتقد هاد العالم أن الرضاعة الطبيعية و ممارسة الرياضة كايقلل من خطر الاصابة بسرطان الثدي، في حين أن التاريخ الطبي للعائلة بخصوص السرطان كايرفع من خطر الاصابة به، حيث أن العلماء لقاو أن 5 حتى %10 من حالات الاصابة مرتبطة بطفرات جينية (BRCA1-BRCA2).

من جهة أخرى، ماريسا وايس، رئيسة موقع و مؤسسة Narberth غير الربحية  كاتقول أن السبب فانتشار هاد الأسطورة هو: كون السرطان مرض خطير بزاف، و كل امرأة كاتبغي تعرف الاسباب ديال الاصابة الشي لي كايخلي الاجوبة تكتر من عند ناس لا علاقة !

كاتقول ماريسا أنه رغم وجود الثديين د المرأة ف أقفاص من البلاستيك و الاسلاك المعدنية "وسط حمالات الصدر" يمكن يحبس السوائل و يخلي الانسجة تعمر بسوائل سامة كاتبان فكرة معقولة ف بادئ الأمر، لكن راها فكرة غالطة، كون السائل الجسدي كايخرج من الإبطين و ماشي من منطقة وجود حمالة الصدر.

و أخيرا، سوزان لوف، طبيبة جراحة سابقة مختصة فجراحة الثدي، كاتقول أن سبب انتشار خرافة حمالات الصدر و السرطان جا من الاحباط بسبب عدم المعرفة بسبب مرض السرطان، واش من حبوب منع الحمل ؟ ولا من مزيل العرق أو من حمالات الصدر ؟ العلم مازال ماوصلش لسبب رئيسي لسرطان الثدي، و مرض السرطان بشكل عام، و الغالبية العظمى ديال العوامل لي كانعرفوها مايمكنش يكون عندها اتصال مباشر بالمرض، هادشي لاش حمالات الصدر ماشي هي الاجابة السرية للاصابة بسرطان الثدي. غير لبسوهوم بشرط تكون من مواد قطنية ماتسببش التهابات للبشرة فمنطقة حساسة بحال الصدر.

مصدر : Scientific American