إذا كان كايسحابلك بلي راك كتعرف كلشي عرف بلي راك مكتعرف والو.. فهمتي؟
قبل مانبدا الكمالا قلت مع راسي ضروري نعاود ليكم شنو وقع معايا هاد السيمانة ، المهم كنت جالس كنهضر مع واحد البنت (والله مكنت كنتعنب) على الأرض المجوفة و و المسيح الدجال زعما يقد يكون تما .. (إي وي علاش بغيتوني ندوي ؟)،
شويا نقز واحد خونا بقا كيقولي لا راه هاد الشي غير تخربيق و ممنوش و حرام ندويو فيه و قالي بالصدفة ، أنه دخل وقرا المقال لي كتبت ديك المرة تصدمت معرفتش أصلا كيفاش ديك القرد قرا المقال (الأرض مجوفة - أين البوابة؟) ، قالي ديكشي لي كتبت غير تخربيق و راه حيد جيم لاباج ومابقاش أيدخل ليها مزال وهو مفراسوش أصلا شكون هو ديك "ديدبول المغربي" لي كاتب المقال ..
بقيت كنشوف فيه و فرحت حيت ماصحابليش تاناس قراب يقدو يقراو شنو كنكتب ، و في نفس الوقت قلتليه عطيني علاش كتقول بلي ديكشي غير تخربيق ؟ فابتسم واحد الابتسامة استهزائية ديال (أفاكيو أنا كنعرف كلشي) هو يقولي:" ولا وانتا مافهمش على هاد الحساب منين كيجيو البراكين و ديكشي ؟" بقيت كنشوف و نا نقوليه في بالي( من المؤخرة ديالك بيتش) وماجوبتوش قلتليه آه بصح ديكشي غير تخربيق وانا نوض فحالي (حرمها عليا كنت غانقوليها نتصاحبو باش نوجدو للامتحانات متفهمونيش غلط ) المشكل هو بنادم مكيميزش بين الفرضية لي كتكون مبنية على افتراض صحة فكرة و النظرية لي مبنية على اتباثات علمية وكيدوي ؟ زيدون شخصيا عند النقاش كنكره هاد النوع ديال البشر لي كيصحابليه راه عارف كلشي و كايلوح ديك الابتسامة بلا شك كتساظفوا مرة مرة في حياتكم مع هاد النوع خاصة في الماغوك كحل الراس الله يهديهوم ، راه تحد مكيعرف كلشي حنا في هاد البلاد كنقراو كتر و كنقلبو باش نفهموا شي حوايج مغيشرحوهومش ليك في المطابيع لي كتقول بأن الناس شافو شي حد في القمر..فهمني!
تواضع ، ابحث و افهم كثر متموتش بحال لي بغاوك تموت كن مختالف متكونش نسخة و في نفس الوقت احترم الأفكار الأخرى شكرا.
إوا بِيبي دابا أنكمل ليك الموضوع بلاتي مقريتيش الجزأ الأول ؟ هاهو: "الأرض مجوفة- أين البوابة؟" قراه و ديك الساعة رجع كمل هنا باش تكون ناضي... اليوم غنهضرو على شنو كاين الداخل ديال عالم جوف الأرض ، و فضلت ندويو داكشي طرف بطرف بتعمق بشوية علينا نبداو.
إنسان جوف الأرض :
قالك أنه مني كتدخل لعالم جوف الأرض كاين عالم آخر لدرجة أنه بعض القوانين الفيزيائية مختلفة حيت شدة الجاذبية أقل من منطقة لمنطقة في ذلك العالم و كيفما كنعرفو الجاذبية كتأثر بزاف على شكل وحجم الكائنات ، إي وي مفراسكش؟ كلما كانت الجاذبية أقوى كلما كانت قوة أكبر كطبق على المادة أو الكائن ، مفهمتيش ؟ كتشوف رواد الفضاء مني كيعيشو مدة في الفضاء الخارجي كيطوالو حيت ببساطة مبقاتش الجاذبية ديال الأرض مطبقة عليهوم لمدة معينة ، و منه تصور معايا كاين كائنات داخل الجوف كتطبق عليها نصف القوة ليكاينا هنا الفوق ، فببساطة هاد الكائنات أتكون عندها ضعف الحجم ، عاد الاختلاف من منطقة لمنطقة كيفما ذكرت من قبل تصور الانسان لي جاي من جوف الأرض؟ غايكون أطول أو أقصر على حسب منين جاي مفكراتكمش هاد الهدرة بيأجوج و مأجوج ؟ ياك هما القوم لي أحجامه مختلفة فهناك الصغير منهم و الأضخم فيهم ، بمعنى بجميع الأحجام و منه كنقول ربما يأجوج و مأجوج هم قوم جوف الأرض لي نتاشرو فيه و زاد عددهم لأرقام لاتحصى ، من القواعد المختلفة تما أيضا هو الضغط ، ومنه الكائنات تمة قوية جدا لأنها تكيفات مع ضغط مختلف بزاف و متنساش درنا في الجزء الأول صورة تظهر شمس صغيرة داخل هذا العالم ، ملاحظتي والو؟ مسولتيش راسك فيناهو القمر؟ بمعنى أن هاذ الناس أيكونو متعوبين لأنهم محتاجين يعرفوا وقتاش ينعسو دون غياب شمس كاينا طيلة حياتهم ، لهذا كنقول أنه إنسان جوف الأرض إنسان عصبي شديد العنف و هذا ناتج عن الإرهاق المتواصل ، فتصور معايا كائن كيتحكم في الارهاق ببساطة لأنه تكيف معاه . انسان جوف الأرض مكيعرفش التعب و الارهاق!
يعني نهار أيخرجو من تما الخبار فراسكم.. أيكلو ليك الحلوة صديقي هههههه .
في نفس الوقت كنقول علاش ميكونوش تما حضارات أخرى ؟ حضارات هربات في ضروف غامضة من كوارث ما؟ شعب أطلنطس المتطور ربما هو حاكم البحار الداخلية تما ، هاد الشعب كان غير أسطورة ولكن علاش منقولوش أنه لقاو طريق لجوف الأرض فاستقروا فيه من بعد ما حكموا المحيطات على السطح المطل على الفضاء الخارجي (العالم ديالنا) لمدة طويلة ؟ في نفس الوقت كشخص ديما كنقول متقدش تجي المعلومة دون ملاحظة ، مجاوش وكتبوا على أطلنطس من فراغ، ضروري أيكون مصدر ألهم من كتب عليها ولو غير بالقليل .. من جهة أخرى الكتب لي كدوي على هاد العالم تحدثات على قوم متطور بزاف أكثر من أطلنطس لي كيحكم عالم جوف الأرض لي هو شعب "أجارطا" ولي كيعيشوفيه أناس متطورة بشدة في جميع المجالات لدرجة أنهم ماحتاجوش يكونوا أقوياء جسديا باش يواجهو خصوموم المختلفة كيأجوج و مأجوج أو العمالقة، فآلاتهم كافية لحمايتهم إذا جيت ندوي عليهم مغنساليش لأن الكتب عطات أفكار بزاف ولكن كنبذة عن ماقيل عنهم ، قالك أسيدي هما لي وراو للأمريكيين طريقة صنع القنابل النووية ... فشكل هادشي لذلك أنخصصوا جزء كامل باش ندويو عليهم!
حيوانات جوف الأرض:
من غير الانسان ربما كاين كائنات أخرى كالحيونات و الحشرات مختلفة على حسب نفس هاته القواعد (الجاذبية الضغط و نمط الحياة) ، ببساطة بما أنه العالم أصغر و هناك تلوث أقل فإن هاته الكائنات و الإنسان تاهو كيستفد من أكسجين أكثر ، و منه بلا منقوليك كيف غيكونو ، الحشرات كلما كان الأكسجين أكثر كلما استطعات تتطور أكثر و تزيد الحجم ديالها أنا درت ليكم صورة توضيحية باش تفهمو :
أما الحيوانات فهي أكثر شراسة و أقلعددا ببساطة لأنها كتعاني من كبر حجم الحشرات و منه هي الفريسة نوعا ما في ذلك العالم ، ولكن في نفس الوقت كاين خطر أكبر لي هو الديناصورات ! نعم الديناصورات إذا كان جوف الأرض عالم حقيقي فغتكون هي أول من اكتشفه ، من ناحية أخرى أتقولو أهاه و من قبل الديناصورات كانوا كائنات أخرى بحال "ديسينودون Dicynodon " هاد الكائنات اختفوا قبل من اختفاء الديناصورات... "250 مليون سنة - أكبر انقراض في تاريخ الكرة الأرضية حسب العلماء" كنقول أنه البوابة لعالم جوف الأرض تفتحات في تلك المرحلة و منه خرجات جاع الغازات السامة و قتلات هاته الكائنات ولكن في نفس الوقت كانت بداية بناء عالم جوف الأرض لأن الكائنات لي جات من بعد اكتشفاتوا و عاشت فيه يقد هادشي يكون اكتشاف جديد استنتجتوا حيت العلماء قدروا البلاصة منين خرجات الغازات في سيبريا و مع شويا دزعزعة القارات البوابة كيفما كيقولوا تقد تكون في القطب الشمالي. (كاينا صورة في الجزء الأول "أين البوابة")
ومنه فإن الديناصورات عاشت في الكرة الأرضية في الجهتين بجوج و لكن السؤال هو كيفاش ولات ديناصورات جوف الأرض؟ ببساطة أضخم و أشرس من ديناصورات السطح نظرا لنفس العوامل لي ذكرتها ... بالاضافة يقدو يكونو حيوانات أخرى ممعروفاش ولا متطوراتش على السطح من قبل كلشي ممكن!
الدجال و الدابة:
هي مخلوقات مذكورة في القرآن بزاف ديال الناس كيقولو أنها موجودة فشي بلاصة داخل عالم جوف الأرض ، لكن إذا كان هادشي بصح فين كاينين؟ و بصح الدجال ميقدرش و الله أعلم يكون من أهل أجارتا المتطورين بزاف؟ معرفتي يكون دارشي لعيبة بحال دوك القصص أيقتل القوم ديالو و أيطلع ينتاقم كلشي ممكن على العموم شي حاجة مذكورة في القرآن لكن الله هو لي عارف الحقيقة..أما الدابة فقيل أنها مخلوق لا مثيل له لذلك مغنلغيوش عليها.
العمالقة:
طوال بزاف صحاح و كبار بحال جاع ديكشي لي توصف به الناس دقوم عاد ممكن شي واحد هاجر من ذاك القوم و ووجد طريق إلى داخل تلك الأرض؟ الله أعلم .
هاد الحلقة دوينا على المخلوقات لي يمكن تكون الداخل المرة الجاية أندويو على أجارطا بالتفاصيل حGا راني باقي وسط جوف الأرض و ديك القصة الفوق راه حقيقية 100% باش متجولوش راني طالقها هاني مع تيتيز دأجارتا صورة حصرية
نمشيو نراجعو أنا وياها .. بايباي نتلاقاو في الجزأ الثالت صديقكم
"ديدبول المغربي" ..
