2017 نهاية كلمات السر على أجهزة الأندرويد سنة
شركة غوغل باغا تحيد الطريقة التقليدية فالحماية اللي هي كلمات السر (الباسووردز) و تعوضهم بما يسمى بـ"نقاط الثقة" فأجهزة الأندرويد :D
الشركة صرحات على المخطط ديالها فالتخلص من كلمات السر على البلاتفورم ديالها فالأجهزة المحمولة اللي هي اندرويد بحلول سنة 2017 خلال اجتماع آي/آو ديالها الأسبوع اللي داز عن طريق استعمال مجموعة من المقاييس
الثقة ديال غوغل غادي يكون قادر على تعويض كلمات السر التقليدية ففتح الهواتف الذكية ديالها API
كيفاش هادشي؟
السرعة فالكتابة,تحليل ملامح الوجه و القرب ديال الهاتف من نقاط الويفي و أجهزة البلوتوث المعتادة هي بعض المقاييس اللي غادي يعتمدها النظام الجديد فتحديد ما اذا كان الشخص اللي كايستعمل الجهاز هو مولاه بالفعل
غوغل غادي تخليك تدخل للألعاب و بعض التطبيقات البسيطة على الهاتف بحال اليومية و الآلة الحاسبة واخا معدل نقاط الثقة اللي تم التسجيل ديالها ضعيف هادشي غادي يخلي شخص آخر ماشي مول الجهاز يستعمل الهاتف بدون ما يهدد
الخصوصية ديال المالك,اذا الهاتف غادي يمكن يتستعمل فالأمور العادية بدون ما يتم الفتح ديالو,و لكن التطبيقات المهمة مثل الايميلات الرسائل و المكالمات و التطبيقات البنكية غادي تطلب معدل عالي من نقاط الثقة
باش يتم الفتح و الاستعمال ديالها.
طبعا في حين اشخاص آخرين غادي يوليو قادرين على استعمال الهاتف ديالك,هاد النظام الجديد غادي يكون مهدد بالاختراق من طرف ناس عزيز عليهم يكتاشفو الثغرات الموجودة فالأنظمة الجديدة
*evillook*
و لكن على كل حال ايلا قام صاحب الهاتف باختيار كلمة سر و نسا عليها غادي يكون غير مسموح ليه بالولوج لجميع خاصيات الهاتف,اذا كخلاصة غوغل قامت بانشاء هاد النظام اللي كايعتمد على نقاط الثقة باش تمزج ما بين الحماية و الراحة,هادشي مختلف بزاف على كيفاش كاتخدم هواتف اندرويد الآن بحيث انها كاتخليك تدخل لأأي خاصية فالهاتف بمجرد إدخال الرقم السري أو كلمة السر الصحيحة
بزاف ديال الناس لقاو باللي النظام الجديد اللي غادي تعتمدو شركة غوغل فحماية هواتف الأندرويد مناسب بشكل كبير, و لكن عاوتاني بزاف ديال الناس شافوه على أنه ما غاديش يقدر يوفر الحماية الكافية لخصوصيات الناس حيت اقدر اكون عرضة للاختراق
بغينا نعرفو الرأي ديالك نتا واش كاتشوف هاد النظام مناسب أو لا؟
فنظري انا,خليهم يديروه
*evillook*
API:Aplication Programming Interface.
I/O conference:هو واحد الاجتماع كاتقوم بيه غوغل كاتجمع فيه المبرمجين لمدة 3 ايام باش يكتاشفو و يناقشو التكنولوجيات الحديثة
إعداد : انس حصاري
