كل سنة، كتنشر مجلة د ايكونوميست تقرير عن أغلى مدن العالم من ناحية تكاليف المعيشة، البحث اللي كتقوم به وحدة المعلومات ديال هاد المجلة الانجليزية كيشمل 133 مدينة من 93 دولة حول العالم، وكيدرس الأثمنة ديال أكثر من 140 ديال السلع والخدمات (أكل، شرب، ملابس، نقل، عقار، كراء، ماء، كهرباء)
هاد الدراسة كتعمل بالأساس لصالح الشركات الانجليزية اللي كتستعملها باش تعرف مستويات المعيشة بمدن العالم، وتحدد بالتالي مستويات الأجور والتعويضات ديال العمال ديالها حول العالم. الترتيب ديال هاد المدن جا كالتالي :
1 - سنغافورة :
2 - باريس
3 - أوسلو
العاصمة النرويجية جات فالمرتبة الثالثة، والمعيشة فيها غالية 23% اكثر من نيويورك، وهادشي راجع أساسا للضرائب المرتفعة بزاف فالنرويج، واللي تسجلت فيها أغلى ثمن ديال البيرة فالعالم (12 أورو للتر)
البقية ديال الترتيب، جات زيوريخ السويسرية فالمرتبة الرابعة، متبوعة بمدينتي سيدني وميلبورن الاستراليتين، ثم جنيف السويسرية فالمرتبة السابعة، بعدها مباشرة كوبنهاجن الدانماركية، وفي نهاية الطوب 10، هونج كونج، ثم سيول العاصمة الكورية الجنوبية.
من الجهة الأخرى، احتلت مدينة بنجلور الهندية المرتبة الأخيرة من حيث تكلفة العيش قبل مدينتي كاراشي الباكستانية ومومباي.
البحث أكد على أن الترتيب ديال هاد المدن غادي يتغير السنة المقبلة بحكم انخفاض ثمن البترول والأورو، الشي اللي وقع لعاصمة فنزويلا كاراكاس اللي كانت السادسة فالتقرير الأخير قبل ما تتراجع بأكثر من 100 مرتبة بعد الانهيار ديال العملة الفنزويلية، نفس الشىء بالنسبة لطوكيو اللي فقدت 11 مركز بعد تراجع الاقتصاد الياباني.
مصدر : الاقتصاد بالدارجة
