بما أننا ف مجتمع كايحكم عليك من حوايجك و من صباطك، الملابس و الموضة حاجة مهمة بزاف فحياتنا اليومية .. باش نعرفو الثقافة ديال شحال هادي ضروري نشوفو حوايجهم كيفاش كانو و نشوفو التطور ديالها، و التأثير ديال العولمة على الموضة، نخليكم مع تطور الموضة فآخر 100 عام.
1926 - 1916
 |
فهاد المرحلة بداو الفساتين ديال العيالات كايقصارو و فهاد الفترة ظهرت العطور و الملابس بلون غامق
1936 - 1926
قصارت الملابس ديال العيالات كتر و بداو كايركزو على إظهار المفاتن ديال المرأة، و بدات حتى هي كاتلبس السروال
1946 - 1936 
بسبب ظروف الحرب، ماتطورتش الموضة فهاد الفوضى و شهدت هاد الفترة أن النساء كايلبسو حوايج مريحة و الرجال أغلبهم بلباس عسكري
1946 - 1956
فالخمسينيات الموضة لمست بشكل الكبير النساء و الملابس ديال هاد الفترة كانت كاتهدف باش تبين مختلف القطع اللي كاتلبس المرأة، من الصباط حتال القبعة فوق رأسها
1966 - 1956
ملابس الستينيات كان هدفها إظهار أنوثة المرأة فنفس الوقت، تسريحات الشعر و القبعات ولا عندها رواج كبير و زادو الحوايج ديال المرأة قصارو كتر من الفترات السابقة
1976 - 1966
فالسبعينيات كانت الموضة "متحررة" يعني لبس لي بغيتي، و كانت أيضا بداية شهرة سراويل الجينز
1986 - 1976
الثمانينات شهدت ظهور البلوزات و سراويل cavaricci
1996 - 1986
الشعر الأشقر و الجاكيت الواسع و السراويل و الشورت ولات عندهم شعبية كبيرة فالتسعينات
2006 - 1996
الملابس ولات جريئة عند الجنسين بجوج و مابقاتش محكومة بشي نمط معين
2016 - 2006
مابقاوش الناس خاضعين للموضة، لأنه بحكم التطور السريع و الأثمنة و الأزمة العالمية، يكفي لباس زوين و مناسب :D
|
