مابقاش حل الجرائم و المطاردات الكلاسيكية ديال المجرمين نافعة ف هاد الزمن، الآن كاين مجموعة من التكنولوجيات الحديثة كاتعاون فتحقيق العدالة و كاتخلي رجال الأمن يأديوا العمل ديالهم بدقة و بسرعة. كاين مجموعة من التكنولوجيات ف عالم الشرطة ربما غادي تكونو شفتو بعضها فالمسلسلات البوليسية الأجنبية، نخليكم معا أحدث الأجهزة التكنولوجية عند البوليس فالعالم.
1 - كاميرا ReconRobotics
منين ماكايتعرفش موقع المجرم فالمواجهات النارية المباشرة، الشرطة أو العناصر العسكرية كاتسيفط الكلاب المدربة أو بعض العناصر باش يحددو موقع الهدف، و هاد الأمر فيه مخاطرة كبيرة، هادشي لاش كاميرا ReconRobotics كاتتدخل بخفة و بلا مايلاحظها تا واحد.
شرطة ولاية مينيسوتا الأمريكية عندها هاد الاختراع و كاتميز هاد الكاميرا بسرعتها و القدرة ديالها على الحركة فجميع المجالات التضاريسية بفضل العجلات ديالها و التحكم بيها عن بعد مثالي و فعال.
2 - نظام Shotspotter
كاين بعض الحالات كايصعب فيه تحديد مصدر إطلاق النار، شرطة ولاية كانساس الأمريكية اعتمدت نظام متطور سميتو Shotspotter كايتم تجهيز الحي أو المنطقة اللي فيها الطلق الناري بهاد النظام.
منين كايتسمع الصوت ديال الطلقات النارية كاتخدم أجهزة استشعار دقيقة و كاميرات متطورة مرتبطة بالنظام على تحديد مصدر الصوت و كايتم إرساله لرجال الشرطة و كايتحدد المكان بدقة فالخريطة.
3 - طائرات دون طيّار MAV
شرطة ولاية فلوريدا الأمريكية كاتستخدم طائرات من دون طيار من نوع "MAV" بحيث أنه هاد الطائرات كاتأمن رؤية جوية واضحة لمواقع الجرائم و الاستطلاع بفضل كاميرات ذات جودة عالية. و كايتحكم بها تلقائيا من طرف أجهزة الشرطة و عندها القدرة على الإرتفاع ما بين 7 و 90 متر فوق سطح الأرض.
و الآن كايتم تطوير هاد الطائرات باش تقوم برصد الجرائم بشكل الكتروني و تعلم الشرطة باش تتحرك لموقع الجريمة.
4 - جهاز Starchase GPS
جهاز متطور عند شرطة فلوريدا كايتطلق عن بعد على سيارات المجرمين الهاربين باش يتحدد موقعهم بدقة، و كايرسم خريطة لمكان التواجد ديالو و كيرسلها للشرطة.
5 - كاميرا Ally FirstVu HD Body
هاد الكاميرا فيها مزايا متطورة أهمها : رؤية واسعة ب 130 درجة و عالية الدقة 720p، الأمر لي غايساعد رجال الأمن فالتحقيقات و كاتستعمل حتى فعمليات المداهمة، و فيها مساحة تخزين 32 جيغابايت و كاتسجل 8 سوايع من اللقطات.
6 - الشرطي الذكي
أحد أهم ممتلكات شرطة دبي، هو روبوت ذكي كايقدر يمشي عند أي واحد كايعيط عليه و كايجاوب على الاستفسارات ديال الناس و الأسئلة ديالهم، و كايتستخدم غالبا فالمعاملات الإدارية.
7 - نظارات Google
شرطة دبي عندها نظارات مطورة من شركة Google، و كاتستعمل ف رصد المخالفات المرورية، و كاتستخدم حتى فإلقاء القبض على المشتبه بهم عبر تقنية تحديد ملامح الوجه.
