كلنا عندنا طموح و آمال نحققو أحلامنا
ومتمنياتنا وطريقة من الطرق باش نعرفو شنو خاصنا نديرو هي نسمعو من الناس لس
سبقونا في تحقيق أهدافهم وخير مثال المستثمر الناجح Warren Buffet لي كايتعتابر واحد من أنجح المستثمرين ومن أغنى الناس في
العالم حيث التروة ديالتو كاتقدر ب 76.8 بليون دولار، اه بليون.. ب الباءآشكاين فراس بوفيت وارن؟
كيفما قال، المسار الناجح ديالك كايتمثل في زوج لوائح مفرقة و مختلفة. هاد الستراتيجية ديال جوج لوائح عندها قصة بالنسبة ليه. هاد القصة بدات مع
الطيار ديالو مايك فلينت فاش كان هاد الأخير كايهدر مع الرئيس ديالو
على الأولويات فالمسار ديال حياتو فوقفو وارن وقتارح عليه يدير امتحان ديال 3
الخطوات، لي حتانتا تقدر ديرو، تبع معايا
- كتب أهم 25 هدف باغي تحققو، أولا كتب أهم هدف باغي تحققو على المدى
القريب لي مثلا باغي تحققهوم هاد العام ولا هاد السيمانة
- شوف مزيان داكشي لي كتبتي و من هاد 25 هدف ماركي الخمسة الآوائل لي باغي تحققهوم كتر من الأهداف الآخرين
- هادوك الأهداف الخمسة لي يلاه ماركيتي غايكون هوما اللائحة أ
والأهداف الآخرين غايكونو في الائحة ب
بطريقة ساهلة غاتكون درتي جوج لوائح لي ربما كايحملو أهم أهدافك وأحلامك فهاد الحياة، ولكن أش أدير ف اللائحة ب لي فيها 20 هدف؟ هنا غانرجعو للطيار فلينت
قال فلينت للمسثمر الناجح بلي غايبدا يعمل على الاهداف الخمسة اللولين ديالو من دابا. ويخدم على 20 الأخرين في الوقت الفارغ لي عندو حيث قال *هاد اللائحة ب حتا هي مهمة ولكن ماشي أهم من اللائحة أ. أذن غانخدم عليها فأي وقت بان لي ممكن ولكن حتا هي غادي نحاول ندير ليها وقت محدد ليها* فجاوبو وارن *لا، مافهمتيش. هاداكشي كامل لي ماماركيتيش غايكونو حوايج لي خاسك تنساهوم حاليا، وغادي تخلي وقتك كامل لتحقيق الأهداف ديالك
الخمسة اللولين *
و على حساب وارن
فراك غاتحيد من راسك 20 هدف باغي تحققو فحياتك و
لكن مع أن كاين 5 أهداف أهم فخاصك تبدا بيهم هوما لولين وما تستسلم حتى
تحققهم. و النهار لي تكون حققتي داك الأهداف غايجيوك الأهداف 20 الأخرا
سهلة
التحقيق.
ولكن
من أهم الحوايج لي خاسك دير قبل ماتبد اهاد الستراتيجية هي تحيد الحوايج لي
معمرهوم نفعوك فشي حاجة مثلا الناس
السلبيين و العادات السيئة
وغير ذلك
وغير ذلك
المطلوب
منك هو العزيمة و الاصرار وكون صريح مع شنو باغي نتا ماشي شنو باغين ولا لي متوقعين منك الناس. لأنها حياتك نتا بوحدك.
