قبل مانبدا، بغيتك تعرف واحد الستون: انا ماشي ابوجاد، ماغاديش نقوليك ملي تحس براسك ماشي هو هاداك سير حسب من 1 حتال 10 بالمقلوب ولا سير دوي معا شي ناس من شي درب آخر. انا ماقلتش ليك بلي اذا دخلتي للموقع ديال الصفحة و قريتي هادشي غدا غادي تولي واحد آخر. انا ماقلتش ليك بلي انا ناجح فحياتي آجي باش تعرف كيفاش درت حتى دخلت لفلوس في اقل من 6 ايام. انا ماقلتش ليك بلي انا واعر حيت بديت هاد المقال بواحد البداية للي ماكنتيش كاتنتاضرها... انا غير عندي مانقول ليك، و جيت ليوما باش نقولو ليك.
دابا بغيتك تخلوا مع هاد المقال و تقراه براحتك. اذا كنتي كادير شي حاجة آخرى في هاد الوقت حاول تخليها باش تركز معا هادشي للي غادي نقول ليك، و اذا ماقدرتيش، سد الموقع حتى تكون مسالي.
دابا بغيتك تفكر امتا آخر مرة فكرتي دير شي حاجة و ماصدقاتش ليك، امتا اخر مرة طراسيتي فراسك واحد الطريق، و لكن لسبب او لعدة اسباب ماقدرتيش تجيب للحقيقة داكشي باش كنتي كاتحلم، و نتا كاتقرا هادشي تفكر شحال من مرة قلتي "صافي و الله حتى غاندير هادشي" و بقاو رجليك كايبعدو على الارض، و نتا كاطير باغي تشد هاداك الحلم للي كاتشوف راسك قربتي توصل ليه... و لكن في لحظة، مافهمتيش كيفاش حتى لقيتي راسك طايح في الارض، ماقادرش ترجع طير، كاتشوف هاداك الحلم ديالك كايبعد عليك بشوية و نتا كاتبكي. للي بغيت نقوليك هو، ماشي غير نتا للي وقع ليك هاكا، و ماشي نتا وقع ليك هاكا حيت كاين شي واحد للي حاضيك غير نتا و كايتسناك امتا طيح... كون هاني، راه اذا دزتي من هادشي راه عادي جدا و اذا مادزتيش منو راه وحق الله حتى غادي دوز منو ليوم ولا غدا و لا السيمانة الجاية ولا العام الجاي... للاسف العلم تقدم حتى عيا و لقا حلول لبزاف ديال المشاكل من غير هاد المشكل. و كيفما قالوها الامريكيين: " You've got to live with it" يعني خاصك تعيش مع هاد القاضية، يعني بغيتي ولا كرهتي راه هادشي للي كاين... عرفتك ماتيقتينيش، و عرفتك كاتقول بلي هاد خونا غير طالقها علينا، و عرفتك بلي غادي تبغي دابا تخرج من هاد المقال حيت جاك اعتيادي و هضرتو مستهلكة... و لكن للي ماعارفش نتا، هو انني كاندوي معاك دابا انطلاقا من تجربة خاصة, هاهية تجريبتي للي واقيلا بغيتي تعرفها:
دوزت عامين و انا كانكتب واحد الكتاب، قريت بزاف ديال لكتوبا، شفت بزاف ديال الافلام باش نتآنسپيرا، عاودتو من لوول شي 3 ديال لمرات باش يطلع في المستوى... ملي كملتو وريتو للاساتذة ديالي باش يصححوه ليا، اعطيتو للوالدة ديالي باش تقراه و تقوليا واش مزيان ولا لا، و ماخليت ما درت باش يكون كتاب في المستوى. نهار بغيت ننشرو، كنت كانقول مع راسي بلي المسألة سهلة خصوصا بالنسبة ليا انا للي يالله بادي، و الناس كاتبغي تعاون الشباب، و المغرب ارض الكرم، و ديك الهضرة ديال التلفزة... داز عام و نص دابا، باقي مالقيت حتى شكون للي يعطيني فرصة و يقرا داكشي للي كاين ف داك الكتاب و يشوف واش كايستحق ولا لا، و نزيدك يا عزيزي القارئ، وليت كانفكر باش نبعد على هاد ''الزبل'' كامل واخا انا باقي حتى مابديتش. و عمرني ماغادي نسى هاداك السيد للي نهار مشيت عندو باش ينشر ليا الكتاب، و دويت معاه، قال ليا: "سير اولدي ديها ف قرايتك، هادشي راه كبير عليك." كيفما تصرفقتي نتا نهار للي صدماتك شي حاجة و لا شي واحد و حطمك، حتى انا تصرفقت نهار قاليا هاد السيد هادشي. و لكن، عرفتي شنو الفرق بيني و بينك؟ انا نهار تصرفقت، حكيتها، و درت عليها التلج، و نضت من بلاصتي، و كتبت كتاب آخر و انا دابا خدام في الكتاب التالث، و عقل عليا اعزيزي القارئ، مابقاش ليا بزاف باش نولي نبان ليك في التلفزة، عقل عليا! انا ماعرفتش شنو للي وقع ليك فحياتك، ماعرفتش واش حتى انت كاتكتب ولا كاتغني و لا كاترسم... المهم، بغيتك تكون احسن مني، و احسن من كيفاش تخايلك هاداك للي زعزعك واحد النهار، و احسن من كفاش نتا كاتخايل راسك، بغيتك ملي تشوف راسك فل مرايا، لحمك يتبورش بقوة الفخر للي غادي تفتاخر براسك من بعد مادير داكشي للي عام ولا عامين ولا 10 سنين و نتا كاتحلم باش توصل ليه!
غادي تسكت، و غادي تسمع ليا باش تستافد:
- كيفما كاينين ناس مابغاوكش توصل، كاينين ناس باغينك توصل، لان هادي هي الطبيعة مبنية على التوازن: ماشي كلشي خايب و ماشي كلشي زوين. و اول وحدين غادين يبغيوك توصل و تولي احسن منهم هم واليديك، لان مايمكنش باك ولا امك يكونو كايتقاندو معاك... بغيتك ملي تولي تحلم بشي حاجة، تمشي دوي معهم هم الاولين، تشاورهم و تاخد النصيحة ديالهم لانهم دوزو اكثر منك و عارفين اكثر منك، و ملي كاطيح عليك الفكرة كاتكون متحمس ليها و ماكاتكونش كاتفكر بعقلك... خليهم يفكرو ليك.
دوزت عامين و انا كانكتب واحد الكتاب، قريت بزاف ديال لكتوبا، شفت بزاف ديال الافلام باش نتآنسپيرا، عاودتو من لوول شي 3 ديال لمرات باش يطلع في المستوى... ملي كملتو وريتو للاساتذة ديالي باش يصححوه ليا، اعطيتو للوالدة ديالي باش تقراه و تقوليا واش مزيان ولا لا، و ماخليت ما درت باش يكون كتاب في المستوى. نهار بغيت ننشرو، كنت كانقول مع راسي بلي المسألة سهلة خصوصا بالنسبة ليا انا للي يالله بادي، و الناس كاتبغي تعاون الشباب، و المغرب ارض الكرم، و ديك الهضرة ديال التلفزة... داز عام و نص دابا، باقي مالقيت حتى شكون للي يعطيني فرصة و يقرا داكشي للي كاين ف داك الكتاب و يشوف واش كايستحق ولا لا، و نزيدك يا عزيزي القارئ، وليت كانفكر باش نبعد على هاد ''الزبل'' كامل واخا انا باقي حتى مابديتش. و عمرني ماغادي نسى هاداك السيد للي نهار مشيت عندو باش ينشر ليا الكتاب، و دويت معاه، قال ليا: "سير اولدي ديها ف قرايتك، هادشي راه كبير عليك." كيفما تصرفقتي نتا نهار للي صدماتك شي حاجة و لا شي واحد و حطمك، حتى انا تصرفقت نهار قاليا هاد السيد هادشي. و لكن، عرفتي شنو الفرق بيني و بينك؟ انا نهار تصرفقت، حكيتها، و درت عليها التلج، و نضت من بلاصتي، و كتبت كتاب آخر و انا دابا خدام في الكتاب التالث، و عقل عليا اعزيزي القارئ، مابقاش ليا بزاف باش نولي نبان ليك في التلفزة، عقل عليا! انا ماعرفتش شنو للي وقع ليك فحياتك، ماعرفتش واش حتى انت كاتكتب ولا كاتغني و لا كاترسم... المهم، بغيتك تكون احسن مني، و احسن من كيفاش تخايلك هاداك للي زعزعك واحد النهار، و احسن من كفاش نتا كاتخايل راسك، بغيتك ملي تشوف راسك فل مرايا، لحمك يتبورش بقوة الفخر للي غادي تفتاخر براسك من بعد مادير داكشي للي عام ولا عامين ولا 10 سنين و نتا كاتحلم باش توصل ليه!
غادي تسكت، و غادي تسمع ليا باش تستافد:
- كيفما كاينين ناس مابغاوكش توصل، كاينين ناس باغينك توصل، لان هادي هي الطبيعة مبنية على التوازن: ماشي كلشي خايب و ماشي كلشي زوين. و اول وحدين غادين يبغيوك توصل و تولي احسن منهم هم واليديك، لان مايمكنش باك ولا امك يكونو كايتقاندو معاك... بغيتك ملي تولي تحلم بشي حاجة، تمشي دوي معهم هم الاولين، تشاورهم و تاخد النصيحة ديالهم لانهم دوزو اكثر منك و عارفين اكثر منك، و ملي كاطيح عليك الفكرة كاتكون متحمس ليها و ماكاتكونش كاتفكر بعقلك... خليهم يفكرو ليك.
- ثاني حاجة خاصك ديرها هي خاصك تبعد على اي واحد كايشوف كلشي بسلبية و بتشاؤم، ماعندك مادير بهاداك ولا هاديك للي فينما تبان ليه يقول ليك "اخويا عينا من هاد الدنيا، اخويا كلشي دازتو جات حتال عندي انا و هي توقف..." و تيق فيا، واخا صاحبك، اذا ماقدتيش تأثر عليه إيجابيا، غير حاول تبعد عليه قبل ماتولي حتى نتا بحالو، و ديك الساعة مانعاودش ليك كيفاش غادي يولي المنظر ديالكم بجوج و نتوما كاتباكاو حدا بعضياتكم.
- تالث حاجة، ملي تكون مفيكسي شي هدف فراسك، حاول تقسمو لمجموعة ديال الاهداف الصغار و لبزاف ديال الفروع باش مايبقاش يبان ليك كبير و ضخم، و باش مايبقاش يخلعك.
- رابع حاجة، ماتخافش من الوقت، يعني مابغيتكش تجي شي نهار تقول ""مشا عليا الوقت صافي" و بقا خدام حتى توصل لداكشي للي باغي، و اذا ماوصلتيش ليوم غادي توصل غدا ولا بعدو ولا العام الجاي... المهم راك غادي توصل. و اذا ماتيقتيش راه عندي ليك مثال: كاتعرف سپايدر مان؟ بطبيعة الحال كاتعرفو. اوا خاسك تعرف بلي هاداك السيد للي اخترع ديك الشخصية ديال الرجل العنكبوت، ماطاحت عليه ديك الفكرة حتى فات 40 سنة. خمم فيها مزيان...
- خامس و آخر حاجة غادي نقول ليك، بدا بهادشي ليوم، بداه دابا، ملي تسالي هاد المقال بدا هادشي للي قلت ليك و ماتسناش حتال غدا، حيت تاواحد ماضامن ليك بلي غادي تعيش غدا.
