كيفاش يمكن للذكاء
الإصطناعي يبدل العلاقات بين البشر؟
الذكاء الإصطناعي(Artificial intelligence) هو و بكل بساطة الإمكانية ديال أي آلة في
التصرف بدون تحكم من اليد البشرية.
حاسوب ذكي إصطناعيا
إمكنليه يتدخل لحل المشاكل لي كاواجهها Software ديالك، يمكنليه يتحكم في روبوت بدون أي
تدخل مباشر منك. وأيضا يوفر للGamer خصم يتحداه فأي لعبة فيديو!
الذكاء الاصطناعي
الأكثر تطورا و رقيا يمكنليه يتفاعل و يتواصل مع الإنسان بلا حتى شي مشكل. المعيار
الذهبي ديال هاد النوع من التفاعل، هو Turing Test، و المفاد ديالو هو أن أي آلة ذكية كاتقدر تولي
مطورة و راقية لدرجة أن الأغلبية ديال البشر مايقدروش يفرقو بينها و بين إنسان عادي.
مازال ماوصلنا لهاد
الحد، ولكن نحن في الأفق!
الذكاء الإصطناعي
كان تبنى سابقا على أساس أنه قادر يكمل المحادثات البسيطة معنا و أيضا يقلد الحالة
النفسية ديالنا.
من بعد ما صنعنا
آلات قادرة تحاكي الإنسان في عدة جوانب ولكن فنفس الوقت مقيدة بالرغبات ديال الانسان،
كايبقا على حسب وجهة النظر ديالك يا هدشي كامل،
مثير و مشجع، أولا مخيف و واقع كئيب..
شنو غايوقع إلا إنسان
عادي كانت عندو إمكانية التحكم بآلة كتشبه للإنسان وغادير لي تقال ليها؟
حنا مازال ماوصلنا
ولكننا أقرب مما يمكن أن تتصور!
وفقا ل Huang، لي هوا المدير التنفيذي ديال Nvidia* فإن 2015 هي سنة حافلة بالثورات و التطورات
فهاد المجال، و حسب ماقال فإن لي خلا هادشي كانل يتحقق هو "التعلم العميق"
أو
deep learning و هو طريقة كتوضح للحواسيب كيفاش يتعلمو
بوحدهم و ينميو البرمجة الأصلية ديالهم.و كيوصف
deep learning كطريقة لحل مشكلة لي من ديما كانت عائق على مبرمجي AI، ولي هي التعرف على الصور "Image Recognation"، باختصار كيتعلم غا بوحدو كيفاش يستعمل
مجموعة من المعلومات و الحسابات" كما قال Huang "إلا بقيتي مثلا كتوريه تصاور ديال ليمونة،
مع الوقت غادي يبدا يعرف شنو كتعني بليمونة، أولا شيواوا vs لابرادور vs مهر ".
هادشي كيشبه لفاش
طفل صغير كايتعرف على العالم من حوله، كيشوف الأشياء، كيعرف شناهيا، كيعرف أوجه الإختلاف
و الشبه بيناتها، و من بعد تيصنفها لأقسام.
أساسا هاد الروبوتات
كتعلم تفكر بوحدها.
دبا هاد النوع ديال AI ولات عند كل واحد وظيفة مختص بها ( وحدين
مختصين بالقيادة، وحدين مختصين بالشطرنج أولا الخطابات...إلخ )
ولكن الشيء المؤكد
منه هو أن واحد النهار أيجي شي واحد و يجمع مختلف الموديلات ديال AI ويجمعهوم كاملين باش يشكل شي حاجة جديدة
علينا تماما: مثلا شي شخصية آصطناعية لي كتفاعل مع الناس بطرق غير متوقعة!
نهار غايوقع هادشي،
النطاق ديال التفاعلات المحتملة غيتنوع ويولي تقريبا بحال التفاعلات الإجتماعية بين
بنادم. وماكاين تا شي سبب علاش روبوت ذكي ماغاديش يسمع للنوع دالموسيقى لي كيعجبك،
ومن فوق هادشي يستعمل التعلم العميق باش يعرف النوع لي كيعجبك، و يقلب على آلاف الأغاني
لي يقدرو يعجبوك.
روبوت ذكي يمكنليه يقرر باش يشريليك الموسيقى لي كتعجبك
بعدما تأكد أنه يمكنلك تخلصها من الحساب البنكي ديالك. و غالبا ماغايهديهاليك فشي مناسبة
لي كتهمك بحال عيد ميلادك. أو إمكانية يشريلك هدية كتقلص منين كيعرف أنك كتجمع لفلوس
باش تشري شي حاجة بحال سيارة مثلا !
هاكا يمكنليك تجمع
المعلومات و القرارات ديالك و دخلها فروبوت لي شريتيه باش يرافقك.إوا وتخيل مع راسك
كيفاش غاتكون العلاقة ديالكم، سواء كانت صداقة، أو علاقة رومنسية.
و هكا أتلقا راسك
مع رفيق لي:
ماعمر ماكيدوز عليه
شي نهار خايب.
ماعمرو ماكيطلب منك
شي حاجة.
كايعرفك كثر مما
كتعرف راسك.
ماعمرو يقولك
"لا" على شي حاجة بغيتيها.
غايبقا معك حياتك
كاملة، و يمكنلك طفيه و تشعلو وقتما بغيتي.
إعداد : صبرا موحي
* الكلمات الصعيبة :
AI : هي اختصار لكلمة Artificial Intelligence لي بالعربية هي الذكاء الاصطناعي
Nvidia : هي وحدة من أكبر شركات المتخصصة فالمعالجات الرسومات وبطاقات العرض المرئي ومجموعات الشرائح للكومبيوتر وأنظمة ألعاب الفيديو (إكس بوكس، سيجا ساترن، بلايستايشن 3). وتسمى شركة بدون مصنع وبدون معدات تصنيع
* المصدر : All That Is Interesting
