ف ظل انتشار الجريمة و السرقة بالقوة بالاسلحة البيضاء و الآلات الحادة، جرائم لي انتشرت فالمغرب كامل و خلات الناس خايفين من الخروج أو خوفا على حياتهم و على ممتلكاتهم، مجموعة ديال الناشطين الفيسبوكيين المثقفين من مجموعة شارلي بالدارجة، كان ليهم الفضل فبداية انتشار حملة #زيرو_كريساج، الحملة الفيسبوكية لقات انتشار واسع فأوساط الاعلام المسموع و المرئي و المنابر الإعلامية الالكترونية فوسط المغرب و خارج البلاد و هاد الحملة كاتتلخص فتصاميم فنية كاتبين الخطورة ديال هاد الظاهرة، أو فبعض المقالات و الاحصائيات، و مناشدة الملك محمد السادس للتدخل و ذلك عبر حملة ديال جمع توقيعات عبر منظمة آفاز العالمية لي كاتعتني بالقضايا ذات الشأن الانساني و الاجتماعي فالعالم كامل.
هاد الناشطين الفيسبوكيين كايعتابرو أن البطالة، و التجاوزات القانونية و عدم تطبيق القانون بحذافيره هوما أسباب ديال السيبة لي كاتعيشها البلاد، و فظل عدم تطبيق القوانين الجاري بها العمل ف حملة زيرو كريساج غادي تكون فاشلة لأن القضاء مابقاش قادر يردع هاد المجرمين لي كيتعداو على الناس فأموالهم و صحتهم .. حياتهم فبعض المرات.
من جهة أخرى الشباب المغربي بين الابداع ديالو من خلال مجموعة من التصاميم الفنية من مجموعة Behance Morocco أو بشكل فردي و قدمو صور معبرة على رفضهم القاطع لهاد الظاهرة لي كاتهدد المجتمع المغربي بشكل أو بآخر.
تصميم من طرف : أمين بوجيدة
تصميم من طرف حمزة الجابيري :
تصميم من طرف عصام بنعزيز
تصميم من طرف مروان الوكيل :
تصميم من طرف مهدي العثماني من شارلي بالدارجة
تصميم من طرف ندى الوهابي من مجموعة شارلي بالدارجة
صورة معبرة لدعم حملة زيرو كريساج من عبدالله أبوجاد :
و باقي العديد من الفنانين المغاربة لي كايوجهو رسائل شديدة اللهجة و بطرق فنية ...
باش نختمو، كاندعوكم للتوقيع فحملة آفاز باش توصل الحملة للعدد المطلوب للتواقيع باش تتوجه لجلالة الملك، و كامل التشجيع و الدعم من هل تعلم ؟ نسخة بالدارجة لحملة زيرو كريساج باش نأمنو الشوارع ديالنا و يبقى بلدنا بلد الأمن و الأمان كيفما كان شحال هادي. دمتم سالمين. و شكر خاص لأعضاء Behance Morocco، شارلي بالدارجة و كل من دعم هاد الحملة.
إعداد : عبدالله الشعيبي / مؤسس مشروع الثقافة بالدارجة : هل تعلم ؟ نسخة بالدارجة.
للتصويت فآفاز : هنا
