أناس خارقون -TOP 10

كاين ناس عندهم قوى خارقة اليوم أندوي لكم على هاد الناس !

مغاديش تلقى شي واحد كيتحكم في المناخ من غير ميريكان بالشعاع الأزرق ، ولا شي واحد كيطير بحال سوبرمان نو نو أمبوستاحيل... ولكن رغم ذلك كاين ناس غريبي الأطوار نوعا ما قدرو يطورو قدرات خاصة..

10) ويم هولف

رجل الثلج مكتحلى ليه الجلسة تكيعوم في البحيرات المجمدة 20 درجة تحت الصفر
ولا الصحاري القاحلة هاد السيد كيصبر لأصعب الظروف

9) لويس سير

كندي معترف به على أنه أقوى شخص تسجل في تاريخ البشرية بدون بوسترز ولا دوباج ديك الوقت كان كيهز 2300 بوند ! الرقم القياسي لديدليفت دابا هو 465 كيلو يعني 1025 بوند تسور معايا الفرق خاصة أنه لي داير هاد الركور دابا ماخلا تاشي بلاصة مدجش فيها شي حاجة .. راك فاهم ، أصلا صحاب موسكولاسيو أيفهموني

8) سولبين

هاد سيد حْوَّاتٌ من جزر باجو كيقد يقطع النفس لمدة 5 دقائق 20 متر تحت سطح الماء كيشبه لعشيري أكوامان غير هذا شينوا جهدو 5 دقائق ولكن راها بزاف ديجا بنادم عادي ميفوتش نصف هاد المدة

7)فيرونيكا سايدر

طبيبة أسنان عينيها كيشوفو 20 مرة حسن من الانسان العادي .. هادي أكيد مكنش عندها مشكل في النقلة !

6) مارتن لوريلو

الرجل البومة كان كيدور راسو360 درجة دون أي مشكل .. تاهذا مكانش عندو مشكل مع النقلة ههههههه

5) جون فيرارو

ماشي مغربي ولكن عندو أقصح راس في العالم خونا كيهرسو ليه فوق راسو لحديد الزاج الحجر و الخشب مكينش مشكيل واحد نهار ضربوه بمقدة مدخلاتش بعمق لراسو ولكن مشا غرز إيه وي .. الزعامة خايبا

4)هاي نجوك
هاد السيد مريض أنه ميقدرش ينعس لحد الساعة منذ سنة 1973 هذا خلل فدماغ كيوقع لبعض الناس كينعسو بعد أسابيع ولا شهور لكن سنوات بزاف...
فنفس الوقت هاد السيد مكيعاني من تاشي أعراض تعب أو غير ذلك

TOP 3

3)ناطاشا ديمكينا

هاد الأخت كتقول أنها مكتشوفناش بطريقة عادية بل بالإكس راي يعني كتشوف العروق ديالنا الأعضاء وحتى الأمراض الأخت روسية باينا ضاربا شي حاجة مجهدة ولكن تيتيزة واحد نهار دارو معاها تجربة جابت 4 أجوبة صحيحة و وحدة غلط من بعد سنة ديك لي كان غلط جاه ديك المرض لي كانت وصفاتو ليه !