بدات نظرية "المؤامرة" فالعالم العربي ف 2008، العام لي انطلقت فيه سلسلة "القادمون" فموقع التواصل الاجتماعي Youtube، هاد السلسلة كاتناقش الأحداث و النبوءات المتعلقة بالمؤامرة المزعومة بدلائل واقعية و بعض المرات بالتكهنات الفارغة و الافتراضات الخارجة عن نطاق الواقع، و كاتحكي تاريخ هاد المتآمرين من أيام الحروب الصليبية حتى للعصر الحالي.
أمثلة و تأملات ف نظرية المؤامرة
- أصول تاريخية : هاد الجزء من نظرية المؤامرة كايعتامد بشكل شبه كلي على التاريخ لي ماقريناهش فالمدرسة، على التاريخ لي ماغاديش نلقاوه ف الكتب، تاريخ كايسرد قصة مجموعة أشخاص قدرو يجمعو موارد هائلة و يكتسبو ثروات ضخمة و يحكمو العالم لاحقا، عن طريق كتب السحر و الشعوذة المدفونة فالقدس منذ عهد سيدنا سليمان و كايتسماو بعدة أسماء : فرسان الهيكل، الماسونيين، المتنورين، .. الخ ... كل واحد و شنو كايسميهم.
- السياسة و الإقتصاد : الجماعة السابقة الذكر قدرت بفضل الثروات لي جمعت أنها تكتسب نفوذ يخول ليها السيطرة على الإعلام و تمويل الحروب العالمية و تدمير الأديان و خدمة "المخططات الشيطانية"
- التحكم بالعقل : من الأفكار الشائعة عند المؤمنين بنظريات المؤامرة أن هاد الناس لي كايديرو هاد المخططات كايحاولو يزرعو أفكار بشكل أو بآخر فعقول الآخرين، بحيث أن أصحاب نظرية المؤامرة كايشوفو أن هاد الهيئات العليا كاتدخل مشاهد جنسية فأفلام الكرتون باش تخرب عقول الجيل الصاعد.
- المرجعية الدينية : أغلب المنظرين لنظرية المؤامرة كايقولو على أنها مؤامرة يهودية كاتهدف لنشر الفساد و تدمير الأديان.
النظرية ديال المؤامرة كاتبان مشوقة بزاف ايلا تابعناها من خلال بعض السلاسل ف يوتيوب بحال "القادمون" و "عصر الاستيقاظ"، كاين بزاف ديال المقاطع لي غادي تخلي عقلك يقتنع بأي فكرة كاتروج ليها هاد السلاسل، لكن واش كلشي غادي نتيقو بيه ؟
فمثلا، كاتقول النظرية أن الهبوط على القمر مجرد خدعة أمريكية باش تبين قوتها و حضورها أمام التجارب الفضائية الروسية، كما أن النظريات كاتقول أن العلماء كتاشفو علاج للسرطان و ميريكان كاتخبي هاد الأمر، و أن مرض السيدا هو مؤامرة صهيونية باش يتدمرو الشعوب و يتفرقو الأمم، و أن نظرية التطور ما هي إلا منهج غربي باش تتدمر الأديان .. الخ من النظريات و المغالطات لي مايقبلهاش العقل.
فالجزء المقبل غانهضرو على الثغرات ديال نظريات المؤامرة، و السبب لي كايخلي الناس يآمنو بيها !
فمثلا، كاتقول النظرية أن الهبوط على القمر مجرد خدعة أمريكية باش تبين قوتها و حضورها أمام التجارب الفضائية الروسية، كما أن النظريات كاتقول أن العلماء كتاشفو علاج للسرطان و ميريكان كاتخبي هاد الأمر، و أن مرض السيدا هو مؤامرة صهيونية باش يتدمرو الشعوب و يتفرقو الأمم، و أن نظرية التطور ما هي إلا منهج غربي باش تتدمر الأديان .. الخ من النظريات و المغالطات لي مايقبلهاش العقل.
فالجزء المقبل غانهضرو على الثغرات ديال نظريات المؤامرة، و السبب لي كايخلي الناس يآمنو بيها !
