غادي نبداو الموضوع من واحد التجربة قام بها مجموعة ديال العلماء، بحيث انهم خداو واحد العدد ديال الفئران و وضعوهم فبداية واحد المتاهة، و في المقابل، وضعو في نهايتها واحد الأكلة للي الرائحة ديالها قوية :الهدف من المتاهة هو جعل الفئران يحسو بالملل و التعب مما غادي يجبرهم على الاستسلام من السعي وراء الهدف ديالهم للي هو الاكلة
...الغريب في الأمر هو أن هاد المجموعة ديال الفئران بقاو كايقلبو فهاديك المتاهة المعقدة حتى لقاو داكشي علاياش كانو كايقلبو
عرفتو علاش ما استسلموش؟ حيت من بعد ما كملات التجربة بين تتبع الجهاز العصبي ديال الفئران انه في طور البحث على الهدف ديالهم، تكونات عندهم واحد المادة بشكل كثيف و للي هي "الدوبامين"... يمكن عرفتو التتمة؟ تم استنتاج ان هاد المادة هي للي كاتخليك ديما مركز على الاهداف او الاحلام ديالك كيف ما كانت المدة الزمنية للي غادا تفصلك ما باين وضع و تحقيق هاد الطموح.
و لكن! عرفتو شنو كايوقع ملي كاتشارك هاد الطموح ديالك مع "البراني" بشكل مبالغ فيه؟
العقل ديالك كايوهم لنفسو بلي راك وصلتي لداك الهدف ديالك واخا نتا راك مازال ماتحركتي من بلاصتك، و هادشي كايأدي بطبيعة الحال إلى تراجع تركيب مادة الدوبامين، داكشي لاش كاتولي كاتحس بالملل و ماكاتبقاش متحمس لتحقيق الطموحات ديالك
...النتيجة؟ ماكادير والو
.خلاصة القول، حتى توصل عاد افتخر
