الفضاء الخارجي مجال شاسع بزاف، و فيه بزاف ديال الأمور الغامضة اللي كاتخلي العقل البشري مرتبط بيها و القلب ديال الانسان مرتبط عاطفيا بيها !
الفضاء الخارجي رائع و مثير للاهتمام، هادشي لاش فقرة 10 صورة من الفضاء الخارجي غادي تنقلكم افتراضيا للفضاء الخارجي.
1- الغيوم :
منظر الغيوم من محطة الفضاء الدولية.
2- سفينة تحت مجرة درب التبانة :
حطام سفينة غارقة تحت مجرة درب التبانة، صورها المصور المحترف : Mikko Lagerstedt.
3- Thor's Helmet :
هي عبارة على فقاعة أوكسيجينية عملاقة القطر ديالها = 30 سنة ضوئية، رغم أنه فيها مخزون كبير ديال الأكسجين، إلا أنه من المستحيل على الإنسان يعيش فيها لأن جزيئات الاكسجين متبعادة لانه مافيهاش غلاف جوي.
4- أبراج التخليق : Pillars of Creation :
هي أعمدة أو أبراج ظهرت في بعض الصور ديال تلسكوب هابل الفضائي لمنطقة غنية بالغاز والغبار الكوني ف سديم النسر "سديم النسر هي عنقود نجمي مفتوح ف كوكبة الحية".
5- كوكب الزهرة :
صور من سطح كوكب الزهرة التقطتها مكوك فضائي سوفياتي ف سبعينيات القرن 20.
6- الكوكب العصبي :
شنو هو الكوكب العصبي ؟ الأرض طبعا !
نشاط بركاني ف شمال شرق آيسلندا تحت سماء مرصعة بالنجوم، و بسبب العواصف المغناطيسية الأرضية ظهر الشفق القطبي.
7- الكسوف ف المريخ :
أحد أقمار كوكب المريخ مستقيمي مع الشمس، الصورة تم التقاطها من طرف بعثة الروبوتات الأمريكية Curiosity للقمر.
8- سحابة بركانية :
سحابة بركانية عملاقة مرتفعة ب 138 كيلومتر فوق الأفق ديال قمر كوكب المشتري.
9- الكون المرئي :
كل نقطة مضيئة هي عبارة عن مجرة أو غيمة غبار كوني عملاقة.
10- كثبان رملية ف المريخ :
صورة عالية الدقة لتضاريض رملية ف سطح القمر، صورة من طرف كاميرا مطورة من طرف وكالة الفضاء الأمريكية ناسا.
