5 قوانين غريبة حول العالم

حول العالم، كاينين شي قوانين فشكل مايقبلهمش العقل، اليوم فافتتاح فقرة Top 5 غانقدم ليكم أكثر خمسة قوانين غرابة من دول مختلفة.

5- السمنة ف اليابان :

ف سنة 2009 بدا التطبيق ديال هاد القانون، و أي واحد فايت القياس ديالو 85.09 سنتيمتر كايحضر جلسات طبية إجبارية.

4- المطاعم الدنماركية :

فالمطاعم الدنماركية ممنوع تخلص الوجبة ديالك إيلا "ماشبعتيش" !!! و ايلا مكملتيش الطبق ديالك.

3- حقوق المرأة فالسعودية :

السعودية كاتعتبر هي نقطة سوداء فميدان حرية المرأة، المرأة السعودية معندهاش الحق تطلب الطلاق، ماعندهاش حق التصويت و ماعندهاش حق سياقة الطوموبيل .. و لكن قانوني تسوق الطيارة.

2- المراحيض ف سويسرا :

ف سويسرا ممنوع على الرجال يقضيوا حاجتهم فالمراحيض و هوما واقفين، من بعد الساعة 22h00.

1- البرلمان البريطاني :

ممنوع تموت ف مبنى البرلمان ديال إنجلترا، تم اختيار هذا القانون كأكثر قانون تافه ف سنة 2007 .. و لكن كايبقا التساؤل .. إيلا مات شي واحد فمبنى البرلمان، كيفاش غادي يتعاقب ؟؟