قبل ماتبدا تقرا خاسك ضروري تكون شفتي الجزأ الأول و الثاني
السلام عليكم اليوم غندوي ليكم على أجارتا دولة لي كيحكم عالم أعماق الأرض هاد الشعب هو لي كتمحور عليه بزاف ديال الأساطير و الفرضيات ..
أولا آجارتا هي القوة العظمى في عالم جوف الأرض، قالك أسيدي عايشين فيها كائنات غريبة ، المهم أجارتا تذكرات في بزاف ديال المخطوطات و القصص القديمة ، و لأول مرة في كتاب لي هو "أبناء الالهة" سنة 1873 من طرف المؤلف لويس جاكوليوط ، و من قبل ذلك في عدة ديانات كالبوذية و كانت اسمها بلاد الشمس ، أهاه و من بعد؟
أسيدي قالك هاد الأجارتيين هما لي كيساعدو الماسونيين باش يتحكمو في العالم عبر تكنولوجيا متطورة من أسلحة و آلات و طرق متطورة في عدة مجالات ، و لي حير بزاف ديال الناس هو أنه بزاف ديال الشخصيات المهمة في التاريخ ذكروا هاد الشعب منهم ستالين و أدولف هيتلر..
بالنسبة لأجارتا فهي مملكة متطورة جدا قالك أنها فايتا البشرية بآلاف السنين من التطور حيث فيها بنايات شاهقة جدا وبنية تحتية خيالية و آليات حماية متطورة بزاف ضد أي واحد كيحاول يتطفل على هاته الدولة، بالاضافة إلى وسائل نقل متطورة مع استعمال الديناصورات في ضواحي الدولة ..
بزاف ديال الناس كيآمنو بأنه الآجارتيين هما لي عاونو أمريكا باش تربح اليابان في الحرب العالمية ،
و قبل ذلك آلاف السنين كانو كيكتاشفو سطح الكوكب و كيعاونو حضارات كالفراعنة في انشاء بنايات عالية و معقدة كالأهرامات .
أما بالنسبة للسكان فهم جد متطورين و ذكاءهم فات ذكاء الانسان العادي أما شكلا فهم قصار و عندهم رأس كبير و أطراف صغيرة ... بحال جاع المخلوقات الفضائية في الأفلام.. مصادفة زعما؟
تصور معايا يكونو بصح شنو غتكون ردة الفعل ديالك ؟
كان معكم مهدي العيسي ترقبو التتمة قريبا جدا تهلاو فريوسكم و شكرا
