1-الهدوء:
ماكاين لا غوات لا بكا لا والو، رغم الكارثة الكبرى اللي وقعات ليهم.
2-الاحترام:
كانو تيديرو الصف بنظام باش ياخدو الماء و داكشي اللي باغين يشريوه. ديما كيهدرو باحترام مع اللي كيبيع ليهم،بلا دفعني ندفعك و بلا شفرة.
3-البنية التحتية:
ناطحات سحاب مبنية على حقها و طريقها و داكشي بجودة واعرة. كاع البنايات تقاسو و ما رابوش.
4-روح المسؤولية:
الناس كيشريو فقط داكشي اللي محتاجينو في داك النهار باش ياكلوه باش كاع الناس لوخرين يقدرو يلقاو تاهوما ما ياكلو.
5-النظام:
لا فوضى و لا والو في المحلات. مكتيشفروش ف الطريق . داكشي منظم بزااااف .
6-التضحية:
خمسين عامل بقاو خدامين (رغم خطر الموت) ف المفاعل النووي باش يضخو ماء البحر فيه باش يبردوه. كيفاش يقدرو يكافؤوهم؟
7-الرفق:
المطاعم خفضات الاتمنة ديالها. الماكينات ديال الصرف الآلي بقات ف بلاصتها. القوي اهتم بالضعيف.
8-التدريب:
الكبار والصغار، كلهم كانو عارفين اش يديرو بالضبط.
9-الإعلام:
بينو على واحد التحكم واعر، مكانوش مذيعين تافهين باغيين غير الشهرة.
10-الضمير:
ملي كان تيطفا الضو في المحلات، كانو الناس تيحطو داكشي اللي ف ايديهم و كيردوه لبلاصتو فين كان و كيغادرو المحلات بهدوء.
( الفضيلة تـنـبـع من ضمير الانسان)
هادي هي الاخلاق الحقيقية، والجابونيين هوما فقط اللي طبقوها. راه داكشي جاي من التربية و من داكشي اللي كبرتي عليه.
