اليوم فأول مقال ف فقرة التيكنولوجيا (لي غانقدمو ليكم فيها مستجدات تقنية وتيكنولوجية) غادي نهضرو على واحد الحجرة لي أثارت الإعجاب ديال بزاف د ناس..
فعام 2012 كان كل من دانيل دوارا و نيك بيرسون (مالين هاد المشروع) كايعانيو من مشاكل يومية فحال مثلا دانييل كان خصو شي حاجة باش يعلم مرتو بلي وصل للدار ولا "نيك" ليكان كايعاني بسباب الطفل الصغير ديالو لي ليكان كايوضر اللعاب والحاجيات.
هاد الحجرة لي الإسم ديالها هو "Pebblebee Stone" ؛ والمهمات ديالها عديدة فمثلا يمكن ليها تصيفط رسالات معدة مسبقا ويمكن ليك تربطها بشي حاجة باش تلقاها إلى توضرات (فحال السوارت مثلا) ولا يمكن ليك حتى تحكم بالدار ديالك ( إلى كان فيه النظام الأوتوماتيكي) والعديد من المهمات الأخرى..
وهذا هو الجهاز كما والألوان لي متوفر فيهوم
ومن المميزات ديالها الحجم الصغير ،قابلية شحن البطارية، زر متعدد الوظائف، حساس الحركة يعني كايدير تنبيه مني كاتكون الحجرة فحالة حركة فحالات السرقة مثلا و العديد من المميزات الأخرى
وهذا هو الفيديو التقديمي ديال الجهاز
